Լուսին Ամարա

Վիքիպեդիայից՝ ազատ հանրագիտարանից
Picto infobox music.png
Լուսին Ամարա
Lucine Amara
Հիմնական տվյալներ
Ի ծնե անուն Թագուհի Արմաղանյան
Ծնվել է մարտի 1, 1924 (1924-03-01) (91 տարեկան)
Հարթֆորդ, Կոնեկտիկուտ,
Ամերիկայի Միացյալ Նահանգներ ԱՄՆ
Երկիր Ամերիկայի Միացյալ Նահանգներ ԱՄՆ
Ժանրեր օպերա
Մասնագիտություն օպերային երգչուհի (սոպրանո)
Կայք verismopera.org
Լուսին Ամարան Միմիի դերում

Լուսին Ամարա, իսկական անուն-ազգանունը՝ Թագուհի Արմաղանյան (անգլ.՝ Lucine Amara, ծնվել է մարտի 1, 1924 թ., Հարթֆորդ, Կոնեկտիկուտ, ԱՄՆ[1]), ծագումով հայ, ամերիկյան օպերային երգչուհի (սոպրանո), Նյու Յորքի Մետրոպոլիտեն օպերայի մեներգչուհի։

Կենսագրություն[խմբագրել]

Լուսինե Ամարան ծնվել է կոշկակար Ջորջ Արմաղանյանի և Ադրիան Ղազանչյանի ընտանիքում [2]։ Ամարան մանուկ հասակից երգել է Սան Ֆրանցիսկոյի հայկական եկեղեցում։ Այնտեղ էլ նա ավարտել է երաժշտական դպրոցի ջութակի և դաշնամուրի դասարանը։ Նրա համերգային դեբյուտը կայացել է 1946 թվականին «War Memorial Opera House»-ում։ Սովորել է Արևմուտքի երաժշտական ակադեմիայում, Հարավային Կալիֆոռնիայի համալսարանում։ 1948 թվականին Լոս Անջելեսի երաժշտական մրցույթում շահել է 1-ին մրցանակ։ 1940-1949 թթ. երգել է Սան Ֆրանցիսկոյի հայկական եկեղեցում։ 1950 թվականին ընդունվել է Նյու Յորքի Մետրոպոլիտեն օպերա, հետագայում դարձել է նրա «աստղերից»։ Կատարել է շուրջ 60 դերերգ՝ Դոննա Էլվիրա (Վոլֆգանգ Մոցարտի «Դոն Ժուան»), Աիդա, Դեզդեմոնա (Ջուզեպպե Վերդիի «Աիդա», «Օթելլո»), Միմի, Տոսկա, Չիո Չիո-Սան (Ջակոմո Պուչչինիի «Բոհեմ», «Տոսկա», «Չիո Չիո-Սան») և այլն։ Հանդես է եկել նաև համերգներով, կատարել սոպրանոյի երգամասերը Լյուդվիգ վան Բեթհովենի «Իններորդ սիմֆոնիայում» և Ջուզեպպե Վերդիի «Ռեքվիեմում»։ Համերգային ծրագրերում ընդգրկել է նաև հայկական երգեր՝ Կոմիտասի «Կռունկ», «Դլե յաման», Ռոմանոս Մելիքյանի «Վարդը» և այլն։ Ամարան հանդես է եկել աշխարհի լավագույն բեմահարթակներում, նրա երգարվեստը բարձր է գնահատվել միջազգային մամուլում։ 1965 և 1991 թթ. Աիդայի դերերգով և մենահամերգներով Ամարան ելույթներ է ունեցել Երևանում։

Aquote1.png Ամարան մեզ է դարձրել ջութակ ու նվագում է մեր լարերի վրա Aquote2.png


Նյու Յորքի Մետրոպոլիտեն օպերային թատրոնի առաջատար երգչուհի Լուսին Ամարային (սոպրանո) նշանավոր ջութակահար Իսահակ Շտերնը անվանել է «Երգող ջութակ»։

Ֆիլմացանկ[խմբագրել]

  • 1951- Մեծն Կառուզոն
  • 1952- Կարմեն (հեռուստատեսային), Ֆրեսքիտա
  • 1965- 19-րդ ամենամյա «Տոնի» մրցանակաբաշխություն

Պարգևներ[խմբագրել]

  • Երգիչների համաամերիկյան մրցույթի 1-ին մրցանակ, 1948
  • Վոկալային արվեստի միջազգային ակադեմիայի «Բեմական Փառք» տիտղոս, 1989

Գրականություն[խմբագրել]

  • The Metropolitan Opera Encyclopedia / Դավիթ Հեմիլթոն // : Simon & Schuster, New York, 1987. AS NEW IN D/W, 1991. — ISBN 0-671-61732-X.
  • Էրիկ Մայերս. «Reunion: Lucine Amara» (անգլերեն) // Opera News.- սեպտեմբեր, 2005 թ.

Ծանոթագրություններ[խմբագրել]

Աղբյուրներ[խմբագրել]

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարան ից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png