Լուկիոս Տարքվինիոս Գոռոզ, (ծննդյան և մահվան թվականները անհայտ են), հռոմեական ավանդության համաձայն Հին Հռոմի վերջին՝ 7-րդ թագավորը (մ․թ․ա․ 534/533—510/509)։ Ծագումով էտրուսկ։ Ավանդությունը Տարքվինիոս Գոռոզին վերագրում է բռնակալի գծեր, որի դաժանությունը ապստամբություն է առաջացրել Հռոմում։ Տարքվինիոս Գոռոզը վտարվել է Հռոմից։ Տարքվինիոս Գոռոզին վտարելու ավանդությունն արտացոլել է էտրուսկյան տիրապետությունից Հռոմի ազատագրման պատմական փաստը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 627)։