Լորենս Սթեռն

Վիքիպեդիայից՝ ազատ հանրագիտարանից
Picto infobox auteur.png
Լորենս Սթեռն

Laurence Sterne by Sir Joshua Reynolds.jpg
Լորենս Ստեռն՝ 1760 թիվ

Ծնվել է Նոյեմբերի 24, 1713
Քլոնմել, Իռլանդիա
Մահացել է Մարտի 18, 1768
Լոնդոն, Անգլիա
Մասնագիտություն հոգևորական, վիպասան
Լեզու Անգլերեն
Ազգություն Իռլանդացի

Լորենս Ստեռն (անգլ.՝ Sterne) (1713-1768), անգլիացի գրող։ Սենտիմենտալիզմի խոշորագույն ներկայացուցիչ։ Ավարտել է Քեմբրիջի համալսարանի աստվածաբանական ֆակուլտետը (1738)։ «Ջենտլմեն Տրիստրամ Շանդիի կյանքն ու հայացքները» (հատոր 1-9, 1760-1767) պարոդիական վեպում Ստեռնը չափազանցրել և անհեթեթության է հանգեցրել կյանքը բանականորեն ըմբռնելու լուսավորականության հավակնությունը։ Քաոսային կառուցվածքը, պատմելու էքսցենտրիկ ձևերը, բարոյական տաբուի ոտնահարումը վեպի շուրջը բուռն բանավեճեր առաջացրին։

Գրական կանոնների և մարդու մասին ավանդական պատկերացումների վերանայումը Ստեռնը շարունակել է «Սենտիմենտալ ճանապարհորդություն Ֆրանսիայում և Իտալիայում» (1768) անավարտ գործում։ Ստեռնի ազդեցությունը մեծ է եղել հատկապես ֆրանսիացի (Դ․ Դիդրո) և գերմանացի (Ժան Պոլ) ստեղծագործողների վրա։

Հեղինակել է նաև «Թրիսթրամ Շենդի» (1760-1767) և «Յորիքի քարոզները» (1760-1769) նշանավոր վեպերը[1]։

Ծանոթագրություններ[խմբագրել]

  1. Ռընե Ուելլեք, Օսթին Ուորրեն (2008)։ Գրականության տեսություն։ Երևան: Սարգիս Խաչենց, էջ 475։ 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png