Լոբի դասական գրադարան

Վիքիպեդիայից՝ ազատ հանրագիտարանից
Loeb Classical Library գրքաշարի կազմում հրատարակված Սենեկա Ավագի «Վեճեր» երկի շապիկը

Loeb Classical Library, գրքաշար, որտեղ ներկայացված են հին հունական և լատինական առավել հայտնի երկերը։ Գրքաշարը ներկայումս թողարկվում է Հարվարդի համալսարանի հրատարակչության կողմից։ Գրքաշարի նպատակն է լայն ընթերցողների շրջանակի համար հասանելի դարձնել անտիկ տեքստերը։ Գրքաշարի յուրաքանչյուր գրքում ներկայացված է բնագիր լատինական կամ հունական տեքստը զուգահեռ անգլերեն թարգմանությամբ։

Հունարենով գրված երկերը հրատարակվում են կանաչ, իսկ լատիներեն երկերը՝ կարմիր շապիկի տակ։

Գրքաշարի մտահաղացումը պատկանում է բանկիր Ջեյմս Լոեբին (James Loeb, 1867—1933), որը և սկզբնապես ստանձնեց նախագծի ֆինանսավորումը։ Առաջին հատորը լույս է տեսել 1912թ.։ Ներկա պահի դրությամբ լույս է տեսել գրքաշարի ավելի քան 500 հատոր։

Արտաքին հղումներ[խմբագրել]