Լյուչիա դի Լամերմուր

Վիքիպեդիայից՝ ազատ հանրագիտարանից
Լյուչիա դի Լամերմուր
Lucia di Lammermoor
Donizettiluciabuehnenbildbagnara hi.jpg
Օպերայի առաջին բեմադրության դեկորացիաների էսքիզը (1835 թ.)
Կոմպոզիտոր Գաետանո Դոնիցետտի
Լիբրետտոյի
հեղինակ(ներ)
Սալվատորե Կամմարանո
Սյուժեի աղբյուր Վալտեր Սքոթ. «Լամերմուրի հարսնացուն» վեպ
Ժանր Ողբերգական օպերա
Գործողությունների թիվ 3
Ստեղծման թիվ 1835 թ.
Առաջնախաղ 1835 թ. սեպտեմբերի 26
Առաջնախաղի վայր Նեապոլ

Լյուչիա դի Լամերմուր (իտալ.՝ Lucia di Lammermoor), իտալացի երգահան Գաետանո Դոնիցետտիի օպերա երեք գործողությամբ։ Իտալերեն լիբրետտոյի հեղինակ՝ Սալվատորե Կամմարանո` Վալտեր Սքոթի «Լամերմուրի հարսնացուն» վեպի հիման վրա։ Օպերայի առաջնախաղը կայացել է 1835թ. սեպտեմբերի 26-ին Նեապոլի «Սան-Կարլո» թատրոնում։ Հետագայում Դոնիցետտին գրել է օպերայի ֆրանսերեն տարբերակը, որը բեմադրվել է 1839 թ. օգոստոսի 6-ին Փարիզի «Ռենեսանս» թատրոնում։

Օպերան համարվում է բելկանտո ոճի լավագույն ստեղծագործություններից մեկը և իր կայուն տեղն է զբաղեցրել աշխարհի լավագույն օպերային թատրոնների խաղացանկում։ Անվանադերերգի լավագույն կատարողների շարքում են Մարիա Կալլասը և Ջոան Սազերլենդը։ Օպերան բեմադրվել է նաև Երևանի օպերային թատրոնում, որտեղ գլխավոր դերերգը կատարել է Գոհար Գասպարյանը։

Սյուժեն։ Լուջիան սիրում էր Էդգարին, որը նրանց ընտանիքի թշնամին էր։ Աստոնտ արգելում է այս ամուսնությունը և քրոջը բռնի ամուսնացնում է հարուստ Արթուրին։ Ամուսնության գիշերը Լուջիան սպանում է ամուսնուն, ապա ամեն ինչ պատմում է բոլորին, խելագարվում է և մահանում։ Նրա գերեզմանի մոտ Էդգարը ինքնասպան է լինում։