Լեպտոնային թիվ

Լեպտոնային թիվ, լեպտոնային լիցք, լեպտոնների և հակալեպտոնների թվերի տարբերությունը տվյալ ֆիզիկական համակարգում։ Ըստ պայմանավորվածության, լեպտոններին վերագրվում է +1 լեպտոնային թիվ, հակալեպտոններին՝ −1, ոչ լեպտոնային մասնիկներին՝ 0։

$L=n_{\ell }-n_{\overline {\ell }}$

Լեպտոնային թիվը ադիտիվ (գումարվող) քվանտային թիվ է, ինչը նշանակում է, որ այն պահպանվում է փոխազդեցությունների ժամանակ (ի հակադրություն բազմապատկական (մուլտիպլիկատիվ) քվանտային թվերի, ինչպես, օրինակ, զույգությունը, որոնց դեպքում պահպանվում է արտադրյալը)։

Լեպտոնային թվից բացի, սահմանվում են նաև լեպտոնային ընտանիքի թվեր․

• L_e  - էլեկտրոնային թիվ՝ էլեկտրոնի և էլեկտրոնային նեյտրինոյի համար,
• L_μ  - մյուոնային թիվ՝ մյուոնի և մյուոնային նեյտրինոյի համար,
• L_τ  - տաոնային թիվ՝ տաու մասնիկի (տաոնի) և տաու-նեյտրինոյի համար։

Դրանց վերագրվող արժեքները նույնն են՝ +1 համապատասխան ընտանիքի համար, −1 հակամասնիկի համար, 0՝ այլ ընտանիքների կամ ոչ լեպտոնային մասնիկների համար։

Խախտումները լեպտոնային թվի պահպանման օրենքում

Ստանդարտ մոդելում լեպտոնային ընտանիքի թվերը պահպանվում են, եթե նեյտրինոները զանգված չունեն։ Նեյտրինոյի օսցիլյացիայի հայտնաբերումով նկատվեց, որ նեյտրնոն ունի փոքր, սակայն ոչ զրոյական զանգված, ուստի պահպանման օրենքները լեպտոնային ընտանիքի թվերի համար միայն մոտավոր են։ Սա նշանակում է, որ պահպանման օրենքները խախտվում են, չնայած նեյտրինոյի զանգվածի շատ փոքր լինելու պատճառով դրանք դեռ տեղի ունեն լիցքավորված լեպտոններով փոխազդեցություններում։

Աղբյուրներ

• Griffiths, David J. (1987). Introduction to Elementary Particles. Wiley, John & Sons, Inc. ISBN 0-471-60386-4.
• Tipler, Paul; Llewellyn, Ralph (2002). Modern Physics (4th ed.). W. H. Freeman. ISBN 0-7167-4345-0.{{cite book}}: CS1 սպաս․ բազմաթիվ անուններ: authors list (link)
• M. Raidal; և այլք: (2008). Eur. Phys. J. C 57, 13. {{cite journal}}: Explicit use of et al. in: |author= (օգնություն); Missing or empty |title= (օգնություն)