Լենա Մայեր-Լանդրութ

Լենա Մայեր-Լանդրութ
Հիմնական տվյալներ
Ծնված	մայիսի 23, 1991 Հաննովեր, Գերմանիա
Երկիր	գերմանացի
Մասնագիտություն	Երգիչ, երգահան
Լեյբլ	USFB, Universal
Կայք	www.lena-meyer-landrut.com

Լենա Մայեր-Լանդրութը (գերմ.՝  Lena Meyer-Landrut, ծնվ. 1991թ. մայիսի 23, Հաննովեր) գերմանացի երգչուհի, ով ներկայացնելով Գերմանիան Եվրատեսիլ 2010 երգի մրցույթում ճանաչվել է հաղթող:

Կենսագրություն

Լենա Մայերը ծնվել է 1991 թվականի մայիսի 23-ին գերմանական Հաննովեր քաղաքում: Նրա հայրը լքել է ընտանիքը երբ նա եղել է 2 տարեկան: Լենան Անդրեաս Մայել-Լանդրութի թոռնուհին է, ով եղել է Արևմտյան Գերմանիայի դեսպանը ԽՍՀՄ-ում:

Լինելով ընտանիքում միակ երեխան, Լենան հինգ տարեկանից սկսել է զբաղվել պարով, իսկ որոշ ժամանակ անց գերմանական հեռուստասերիալներում երկրորդ պլանի դերեր է խաղացել, սակայն լրջորեն չի զբաղվել դերասանական աշխատանքով:

Կարիերա

Լենա կատարում է «Satellite» երգը Եվրատեսիլ 2010 երգի մրցույթում

Եվրատեսիլ 2010

2010 թվականի մարտի 12-ին Լենան «Satellite» երգով մասնակցելով Եվրատեսիլ 2010-ի Գերմանիայի ազգային ընտրությանը ճանաչվում է հաղթող և հնարավորություն ստանում ներկայացնելու Գերմանիան Եվրատեսիլ 2010 երգի մրցույթում:

Քանի որ Եվրատեսիլում Գերմանիան մեծ հնգյակի անդամ է, Լենան միանգամից հանդես եկավ եզրափակչում և ճանաչվեց 55-րդ մրցույթի հաղթողը:

Եվրատեսիլ 2011

Քանի որ Գերմանիան հաղթել էր Եվրատեսիլ 2010-ում հաջորդ տարի մրցույթը անցկացվեց Գերմանիայում և Լենան կրկին ընտրվեց Գերմանիայի ներկայացուցիչ: Նա մրցույթում ներկայացրեց «Taken by a Stranger» երգը և 110 միավորով զբաղեցրեց 10-րդ հորիզոնականը:

Եվրատեսիլ 2012

Լենան որպես հյուր 2012 թվականի մայիսին Եվրատեսիլի վերջին 5 տարիների հաղթողների հետ ելույթ ունեցավ Եվրատեսիլ 2012 երգի մրցույթի երկրորդ կիսաեզրափակչում, որտեղ կատարեց 2010 թվականի մրցույթում հաղթած իր «Satellite» երգը:

Սկավառակագրություն

Ալբոմներ

• 2010 - My Cassette Player
• 2011 - Good News
• 2012 - Stardust

Սինգլներ

• 2010 - «Satellite»
• 2010 - «Bee»
• 2010 - «Love Me»
• 2010 - «Touch A New Day»
• 2011 - «Taken by a Stranger»
• 2011 - «What a Man»
• 2012 - «Stardust»
• 2013 - «Neon»

Արտաքին հղումներ

• Պաշտոնական կայք

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լենա Մայեր-Լանդրութ կատեգորիայում։