Լայոնել Բերրիմոր

Լայոնել Բերրիմոր
դերասան
Բնագիր ԱԱՀ՝	Լայոնել Բերրիմոր
Ծննդյան օր՝	ապրիլի 28, 1878
Ծննդավայր՝	Ֆիլադելֆիա, ԱՄՆ
Վախճանի օր՝	նոյեմբերի 15, 1954
Վախճանի վայր՝	Բևեռլի Հիլզ, ԱՄՆ
Քաղաքացիություն՝	ԱՄՆ
Ազգություն	ԱՄՆ
Աշխատանք՝	1893-1954
Պարգևներ և մրցանակներ՝	Օսկար (1931)
Կայք՝	IMDb-ում ֆիլմի էջ

Լայոնել Բերրիմոր (անգլերեն Lionel Herbert Barrymore, ապրիլի 28, 18781 — նոյեմբերի 15, 1954) — ամերիկացի դերասան և ռեժիսոր:

Կենսագրություն

Բերրիմոր տոհմի ներկայացուցիչներից մեկը, որոնց շատ ներկայացուցիչներ նույնպես հայտնի դեմքեր են եղել կինոաշխարհում.

• Էթել Բերրիմոր, կինոդերասանուհի (1879 — 1959 )
• Ջոն Բերրիմոր, թատրոնի և կինոյի դերասան (իսկական անուն ազգանունը Ջոն Սիդնի Բլայթ (1882-1942)
• Դայանա Բերրիմոր, թատրոնի և կինոյի դերասանուհի, գրող (1921-1960)
• Դրյու Բերրիմոր, դերասանուհի (22 փետրվարի 1975):

Մրցանակներ

1930 թվականին Օսկարի է ներկայացվել լավագույն ռեժիսոր անվանակարգում «Մադամ X» ֆիլմի համար, իսկ հաջորդ տարի ստացել է Օսկար լավագույն դերասանի համար անվակարգում ռեժիսոր Կլարենս Բրոունի «Ազատ հոգի» ֆիլմում խաղացած դերի համար: Վարել է 1933 թվականի Օսկար մրցանակաբաշխությունը:

Ֆիլմագրություն

Խաղացել է 200-ից ավելի ֆիլմերում, 15 ֆիլմերի ռեժիսոր է:

Առավել հայտնի ֆիլմերն են`

• «Գրանդ հոթել» - (1932, ռեժիսոր Էդմունդ Գուլդինգ, դերասաններ Գրետա Գարբո, Ուոլլես Բիրի, Ջոան Քրոուֆորդ, Ջոն Բերրիմոր, Լյուիս Սթոուն)
• «Խիզախ կապիտանները» (1937, ռեժիսոր Վիկտոր Ֆլեմինգ, դերասաններ Սփենսեր Թրեյսի, Միկի Ռունի)
• «Քո հետ չես տանի» (1938, ռեժիսոր Ֆրենկ Կապրա, դերասաններ Ջեյմս Ստյուարտ, Ջին Արթուր, Էնն Միլլեր)
• «Այս հրաշալի կյանքը» (1946, ռեժիսոր Ֆրենկ Կապրա, դերասաններ Ջեյմս Ստյուարտ, Դոննա Ռիդ, Թոմաս Միտչել, Հենրի Տրևերս, Ուորդ Բոնդ, Ֆրենկ Ֆայլեն, Գլորիա Գրեհեմ, Բելա Բոնդի, Սեմուել Հինդս)
• «Մենամարտ արևի տակ» (1946, ռեժիսոր Քինգ Վիդոր, դերասաններ Գրեգորի Պեկ, Ջոզեֆ Քոթթեն)

Ջեյմս Ստյուարտի հետ,
կադր «Այս հրաշալի կյանքը» ֆիլմից