Լաբլիաներ

Վիքիպեդիայից՝ ազատ հանրագիտարանից

Լամբլիաներ (լատ.՝ Lamblia intestinalis), մտրակավորների դասի մակաբույծ միաբջիջ նախակենդանիներ։ Տանձաձև են, երկարությունը՝ 10-20 մկմ, ունեն օվալաձև 2 կորիզ, 4 զույգ մտրակներ։ Մեջքային մասն ուռուցիկ է, փորայինը՝ հարթ։ Մարդու (հատկապես երեխաների) աղիքների մակաբույծ են, հազվադեպ լինում են լեղածորանում և լեղապարկում, առաջացնում են լամբլիոզ հիվանդությունը։ Աղիների ստորին հատվածներում ցիստավորվում են, ապա դուրս գալիս արտաքին միջավայր և վարակում մարդկանց։ Լամբլիայիի մյուս տեսակները հանդիպում են տարբեր կաթնասունների (մկներ, ճագարներ) աղիներում։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png