Արցախի պետական տոների և հիշատակի օրերի ցանկ
(Վերահղված է ԼՂՀ պետական տոների և հիշատակի օրերի ցանկից)
Սույն ցանկում ներկայացված են Արցախի Հանրապետության պետական տոների և հիշատակի օրերն ըստ նկարագրի[1]
Տոն օրերը[խմբագրել | խմբագրել կոդը]
- Ամանոր և Ծննդյան տոներ. նշվում են դեկտեմբերի 31-ից հունվարի 6-ը։ Ոչ աշխատանքային օրեր են։
- Արցախի վերածննդի օր. փետրվարի 20, 1988 թվականի այդ օրը սկսվել են ԼՂԻՄ անկախացման ցույցերը։
- Մայրենի լեզվի օր. փետրվարի 21։
- Հայրենիքի պաշտպանի օր. փետրվարի 23։
- Կանանց միջազգային օր. մարտի 8։ Ոչ աշխատանքային օր է։
- Մայրության և գեղեցկութան տոն. ապրիլի 7։ Ոչ աշխատանքային օր է։
- Աշխատավորների համերաշխության միջազգային օր. մայիսի 1։ Ոչ աշխատանքային օր է։
- Հաղթանակի տոն, Արցախի Հանրապետության Պաշտպանության բանակի և Շուշիի ազատագրման օր. մայիսի 9։ Ոչ աշխատանքային օր է։
- Հայաստանի առաջին հանրապետության օր. մայիսի 28։ Ոչ աշխատանքային օր է։
- Երեխաների պաշտպանության միջազգային օր. հունիսի 1։
- Գիտելիքի և դպրության օր. սեպտեմբերի 1։
- Արցախի Հանրապետության օր. սեպտեմբերի 2։ Ոչ աշխատանքային օր է։
- Թարգմանչաց տոն. նշվում է հոկտեմբերի 2-րդ շաբաթ օրը։
- Արցախի Հանրապետության պետական անկախության մասին հանրաքվեի և Սահմանադրության օր. դեկտեմբերի 10։ Ոչ աշխատանքային օր է։
Հիշատակի օրերը[խմբագրել | խմբագրել կոդը]
- Ցեղասպանության զոհերի հիշատակի օր. ապրիլի 24։ Ոչ աշխատանքային օր է։
- Հայրենիքի համար նահատակվածների և անհայտ կորածների հիշատակի օր. հունիսի 29։
- Երկրաշարժի զոհերի հիշատակի օր. դեկտեմբերի 7։
Ծանոթագրություններ[խմբագրել | խմբագրել կոդը]
- ↑ «Արցախի Հանրապետության տոների և հիշատակի օրերի մասին»Արցախի Հանրապետության օրենք ընդունված 2009 թվականին։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ 
|