Իրական ուղեծրի էլեմենտներ

Իրական (աջից) և օսկուլացնող (ձախից) ուղեծրային էլեմենտները աստերոիդների գոտու աստերոիդների համար: Նկատեք, որ ձախ կողմում աստերոիդների ընտանիքները չեն առանձնացվում:

Իրական ուղեծրի էլեմենտներ, մարմնի ուղեծրի էլեմենտներ, որոնք բնութագրում են այդ մարմնի շարժումը տիեզերական տարածության մեջ և մնում են գործնականորեն անփոփոխ աստղագիտականորեն երկար ժամանակի ընթացքում: Այս եզրը սովորաբար օգտագործվում է նշելու համար երեք չափանիշներ`

• իրական մեծ կիսաառանցք (a_p),
• իրական էքսցենտրիսիտետ (e_p),
• իրական թեքում (i_p):

Իրական էլեմենտները պետք է տարբերել օսկուլացնող Կեպլերի ուղեծրի էլեմենտներից որոնք դիտարկվել են ժամանակի որոշակի պահին (էպոխա), ինչպիսին են` մեծ կիսաառանցքը, թեքումը և էքսցենտրիսիտետը: Այս օսկուլացնող էլեմենտները փոփոխվում են պարբերականորեն և (սկզբունքորեն) կանխատեսելի ձևով մոլորակների և այլ մարմինների ձգողության ուժերի ազդեցության տակ կամ պերցեսիայի արդյունքում: Արեգակնային համակարգում այսպիսի փոփոխությւնները սովորաբար առաջանում են հազարավոր տարիների ընթացքում, ի տարբերություն իրական ուղեծրի էլեմենտները մնում են գործնականորեն հաստատուն վերջին տասնյակ միլիոնավոր տարիների ընթացքում:

Մարմինների մեծամասնության համար, օսկուլացնող էլեմենտները հարաբերականորեն մոտ են իրական էլեմենտներին քանի որ պերցեսիայի և ձգողության ազդեցության էֆեկտները համեմատաբար թույլ են: Աստերոիդների գոտու աստերոիդների ավելին քան 99% մոտ այստ տարբերությունը փոքր է քան 0.02 ա. մ. (մեծ կիսաառանցքի համար, a), 0.1 (էքսցենտրիսիտետի համար, e), և 2° (թեքման համար, i):

Այնուամենայնիվ, այս տարբերությունը անտեսել չի կարելի այն դեպքերում, երբ ճշգրտությունը կարևոր է: Օրինակ` Սերես աստերոիդը ունի հետևյալ օսկուլացնող ուղեծրի էլեմենտները (Նոյեմբերի 26, 2005 էպոխայում)`

a	e	i
2.765515 ա. մ.	0.080015	10.5868°

իսկ նրա իրական ուղեծրային էլեմենտներն են (անկախ էպոխայից)`

ap	ep	ip
2.767096 ա. մ.	0.116198	9.6474°

Այս կանոնին բացառություն են կազմում այն աստերոիդները, որոնք ընկած են Կիրկվուդի ճեղքերում, որոնք գտնվում են ուժեղ արտահայտված ուղեծրային ռեզոնանսի մեջ Յուպիտերի հետ:

Իրական ուղեծրի էլեմենտները պարզելու համար, սովորաբար կատարում են մանրակրկիտ սիմուլյացիա տրված մարմնի շարժման պարբերությունների համար մի քանի միլիոն տարիների ընթացքում: Այսպիսի սիմուլյացիան պետք է հաշվի առնի երկնային մեխանիկայի շատ չափանիշներ, ներառյալ մոլորակների կողմից ազդեցությունը: Համապատասխանաբար, այս սիմուլյացիայի արդյունքում դուրս են բերվում չփոփոխվող ուղեծրային էլեմենտները և ընդունվում որպես իրական:

Մի քանի անգամ կատարվել են մոտավոր վերլուծություններ, սկսած Կիեցուգու Խիրայամայից XX-րդ դարի սկզբում: Հետագա վերլուծական մեթոդները սկսել են ավելի ու ավելի մանրամասն դառնալ, ներառելով բազմաթիվ գոյություն ունեցող ազդեցությունների մասին տեղեկություններ: Այժմ, էլեմենտների հաշվարկի սկզբունքը համակարգչային վերլուծությունն է հիմնվելով երկնային մեխանիկայի բանաձևերի վրա:

Այժմ իրական ուղեծրի էլեմենտները օգտագործվում են հիմնականում աստերոիդների ընտանիքների հետազոտությունների ժամանակ:

Տես նաև

• Կեպլերի ուղեծրի էլեմենտներ

Արտաքին հղումներ

• astDys-ի կողմից կատարված ամենվերջին իրական ուղեծրի էլեմենտների հաշվարկը համարակալված մոլորակների համար: