Իվ Ժակ Կուստո

Վիքիպեդիայից՝ ազատ հանրագիտարանից
Իվ Ժակ Կուստո
Jacques-Yves Cousteau.jpg
(օվկիանոսագետ, ճանապարհորդ)
ԱԱՀ՝ Իվ Ժակ Կուստո
Բնագիր
ԱԱՀ՝
Jacques-Yves Cousteau
Ծննդյան օր՝ հունիսի 11, 1910
Ծննդավայր՝ Սեն Անդրե դը Կյուբզակե,
Բորդո, (Ֆրանսիա)
Վախճանի օր՝ հունիսի 25, 1997
Վախճանի վայր՝ Փարիզ (Ֆրանսիա)

Իվ Ժակ Կուստո (ֆր՝ Jacques-Yves Cousteau, ծնվ. 1910, հունիսի 11, Սեն Անդրե դը Կյուբզակե, Բորդո, մահ. 1997, հունիսի 25, Փարիզ, Ֆրանսիա), ֆրանսիացի օվկիանոսագետ և ճանապարհորդ Իվ Կոստոն ստեղծել է փակ տիպի թթվածնային սարքը, կատարելագործել աքվալանգը, նախագծել ստորջրյա նկարահանման «սուզվող սկավառակ» տեսախցիկը։

Կուստոն դեռևս մանկուց է հրապուրվել ծովով, առաջին անգամ ծովի ջրում սուզվելուց հետո, նա համոզվել է, որ ինքն անբաժան է այդ աշխարհից։

Նա 1930 ավարտել է Բրեստի (Ֆրանսիա) ծովային դպրոցը, ապա սովորել Ռազմածովային թռիչքային դպրոցում, որտեղից 1936 «Ժաննա դ՛Արկ» նավով մեկնել է առաջին շուրջերկրյա ճանապարհորդության։

1950 նորոգելով և սարքավորումներով վերազինելով «Կալիպսո» նավը՝ նա կատարել է բազմաբնույթ հետազոտություններ Ատլանտյան օվկիանոսում, Հնդկական օվկիանոսում, Կարմիր ծովում, Սև ծովում, Արաբական ծովում ու Պարսից ծոցում։

1965 Միջերկրական ծովում միջև 110 մ խորություն իջեցված գնդաձև մի տնակ, որտեղ 6 ջրասուզակներ Կոստոյի հետ աշխատեցին 23 օր։

1967 նա ստորջրյա նկարահանող տեսախցիկներով ուսումնասիրություններ է կատարել Կարմիր ծովում և արդյունքները մանրամասն ներկայացրել «Որպեսզի ծովում չլինեն գաղտնիքներ» և «Կալիպսոն ու բուստերը» գրքերում։

1970 «Կալիպսոն» ուղևորվեց Անտարկտիդա։ Այս անգամ Կոստոյի ուշադրության կենտրոնում էին կետերը։ Նա նկարահանել է մի ֆիլմ և գրել «Համաշխարհային օվկիանոս» գիրքը։

1957 ղեկավարելով Մոնակոյի Օվկիանոսագիտական թանգարանը՝ նա զբաղվել է նաև օվկիանոսների մայրցամաքային ծանծաղուտի, ծովային օրգանիզմների (հատկապես շնաձկների ու կետերի) և աշխարհագրական տարբեր լայնություններում դրանց օրինաչափությունների ուսումնասիրությամբ, կատարել ստորջրյա նկարահանումներ։

Իվ Կուստոն իր ամբողջ կյանքում պայքարել է նաև Համաշխարհային օվկիանոսի անաղարտության պահպանության համար։ Նա առավել հայտնի է Կապիտան Կոստո անունով։

Աղբյուրներ[խմբագրել]

  • Դպրոցական մեծ հանրագիտարան։ Գիրք 1, հատոր 1։ Երևան 2009, էջ 511–512