Իվ Տերնոն

Վիքիպեդիայից՝ ազատ հանրագիտարանից
(Վերահղված է Իվ Թերնոնից)
Իվ Տերնոն
Yves Ternon
Ծնվել էփետրվարի 12, 1932(1932-02-12) (92 տարեկան)
Սեն-Մանդե
Քաղաքացիություն Ֆրանսիա
Մասնագիտությունպատմաբան, վիրաբույժ և գրող
Հաստատություն(ներ)Փարիզի համալսարան և Université Paul-Valéry Montpellier III, Centre de Recherches Interdisciplinaires en Sciences Humaines et Sociales?
Գործունեության ոլորտպատմություն
Ալմա մատերՓարիզի համալսարան
Գիտական աստիճանփիլիսոփայության դոկտոր
Տիրապետում է լեզուներինֆրանսերեն[1]
Գիտական ղեկավարJacques Frémeaux?[2]

Իվ Տերնոն (ֆր.՝ Yves Ternon, փետրվարի 12, 1932(1932-02-12), Սեն-Մանդե, Ֆրանսիա), ֆրանսիացի բժիշկ և պատմաբան, հայերի ցեղասպանության հարցի հետազոտող։

Հայկական հարցով և հայերի ցեղասպանության պատմությամբ Տերնոնն սկսել է զբաղվել 1970-ական թվականներից, դրանց վերաբերյալ գրել մի շարք աշխատություններ։ Մեծ հետաքրքրություն է ներկայացնում Տերնոնի «Հայեր. մի ցեղասպանության պատմություն» (1977) աշխատությունը, որտեղ բացահայտել է հայկական հարցի ներքին զարգացումը, վերլուծել հայերի ցեղասպանության պատճառները, ցույց տվել պանթյուրքիստական գաղափարների դերը երիտթուրքերի հակահայկական քաղաքականության մեջ։ Գտնում է, որ հայերի ցեղասպանությունը թուրքական ազգայնականության և պանթուրքիզմի, «Օսմանյան և Ռուսական կայսրությունների թուրքերին միավորելու» թուրքական կառավարող շրջանների ձգտման հետևանք էր։ Հայերի զանգվածային կոտորածը հեղինակը որակել է որպես XX դարի առաջին ցեղասպանություն, որն իրագործվել է նախապես մշակված ծրագրով և պետության ունեցած ամբողջատիրական ժամանակակից միջոցներով։ «Մի ցեղասպանության ժխտման քննություն» (1988) աշխատության մեջ Տերնոնը հերքել է հայերի ցեղասպանության վերաբերյալ թուրքական պատմագրության հերյուրանքները, համեմատել հայերի կոտորածների վերաբերյալ Արամ Անտոնյանի 1920 թվականին հրատարակած փաստաթղթերը Գերմանիայի, Մեծ Բրիտանիայի, Միացյալ Նահանգների արտաքին քաղաքական գերատեսչությունների դիվանագիտական պաշտոն, փաստաթղթերի հետ և հաստատել առաջինների համոզիչ հավաստիությունը։ Նշել է, որ թուրքական կառավարության կատարած ոճրագործությունը չի կարոդ ունենալ վաղեմության ժամկետ։

2007 թ. արժանացել է Հայոց ցեղասպանության ճանաչման գործում նշանակալի ավանդ ներդրած անձանց շնորհվող մրցանակի[3]։

Երկեր[խմբագրել | խմբագրել կոդը]

  • «Le massacre des aliénés» (with Socrate Helman), Casterman, 1971.
  • «Les Armdn/ens. Hisloire d՝un genocide», P. 1977։
  • «La cause armdninne», P., 1983։
  • «Le genocide des Armeniens» (avec Gerard Chaliand), Bruxelles, Complexe, 2006 (5e édition revue et augmentée)
  • «Ehqudte sur la ndgalion d՝un gdnocide», P., 1989.
  • «Du négationnisme. Mémoire et tabou», Paris, Desclée de Brouwer, 1999.,

Գրականություն[խմբագրել | խմբագրել կոդը]

  • Yves Ternon. 7, «rue de Chelles : Pour ce que nous avons été enfants.» — Editions du Félin, 2009. — 175 p. — ISBN 978-2866456870, ինքնակենսագրություն

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 173