Իվան Ղալամյան

Վիքիպեդիայից՝ ազատ հանրագիտարանից
(Վերահղված է Իվան Գալամյանից)
Picto infobox music.png
Իվան Ղալամյան
Ի ծնե անուն Իվան Ալեքսանդրի Ղալամյան
Ծնվել է 1903, հունվարի 23
Թավրիզ
Երկիր Իրան
Մահացել է 1981, ապրիլի 14
Նյու Յորք, ԱՄՆ
Մասնագիտություն ջութակահար, մանկավարժ, մեթոդիստ
Գործիքներ ջութակ
Հայտնի գործիքներ
ջութակ

Իվան (Հովհաննես) Ալեքսանդրի Ղալամյան (անգլերեն՝ Ivan Galamian` Այվն Գալա՛մյան, ֆրանսերեն` Jan Galamian` Ժան Գալամյան) (23 հունվարի 1903 Թավրիզ, Իրան - 14 Ապրիլի 1981 Նյու Յորք, ԱՄՆ) 20-րդ դարի անվանի ջութակահար-մեթոդիստ։

Կյանքը[խմբագրել]

Իվան Ղալամյանը ծնվել է 1903 թ. Թավրիզում։ 1904 թ.-ին Ղալամյանների ընտանիքը տեղափոխվում է Մոսկվա։ 1916-1919 թթ. Մոկվայի ֆիլհմոնիկ դպրոցում Իվանը աշակերտում է ականավոր մանկավարժ Կոնստանտին Մոստրասին։ 1919-ին, ավարտելով ուսումը, 16-ամյա Իվանը ընդունվում է Մոսկվայի Մեծ թատրոնի նվագախումբ։ Հոկտեմբերյան հեղափոխությունից հետո 1919-ին Կալամյանը հեռանում է Ռուսաստանից, իսկ 1922-ին տեղափոխվում է Փարիզ, որտեղի կոնսերվատորիայում ուսումը շարունակում է ջութակի ֆրանսիական դպրոցի հեղինակավոր ներկայացուցիչԼյուսիեն Կապեի մոտ։

Սկսած 1924-ից Իվան Ղալամյանը մի քանի տարի շարունակ մենակատար ջութակահարի գործունեություն է ծավալում, որը սակայն երկար չի տևում։ Շուտով Ղալամյանը թողնում է համերգային կատարողի գործունեությունը և մինչև կյանքի վերջը նվիրվում է ջութակի մանկվարժությանը։ 1937թ-ին արդեն հայտնի մանկավարժի համբավ ունեցող Ղալամյանը տեղափոխվում է ԱՄՆ և հաստատվում է Նյու Յորքում։ 1941 թ․ Իվան Ղալամյանը ամուսնանում է Ջուդիթ Ջոնսոնի հետ։ Սկսած 1944-ից նա դասավանդում է Ֆիլադելֆիայի Կուրտիսի երաժշտկան ինստիտուտում, իսկ 1946-ից աշխատանքի է անցնում Նյու Յորքի Ջուլիարդ Սքուլում, որտեղ հետագայում ղեկավարում է ջութակի բաժինը։

Իր ուսուցիչների միջոով Ղալամյանը մանկավարժությունը փոխառում է ռուսական և ֆրանսիական դպրոցի լավագույն հատկանիշները և ստեղծում սեփական ջութակի մեթոդիկան, որտեղ նա մեծ տեղ է հատկացնում Լուսիեն Կապեի աղեղնային տեխնիկային։ Նրա մեթոդիկան հետագայում շարունակում է նրա ասիստենտը՝ Դորոթի Դիլեյը (1917-2002[1]

Աշակերտները[խմբագրել]

Ղալամյանի ամենահայտնի աշակերտներից են Իցհակ Պերլմանը, Պինկաս Ցուկերմանը, Կյունգ վա Չունգը, վաղամեռիկ Մայքլ Ռաբինը, Ջեյմ Լարեդոն, Պոլ Ցուկովսկին, Իդա Քավաֆյանը, Անի Քավաֆյանը և այլոք։ Ղալամյանի բազմաթիվ աշակերտներ դարձել են միջազգային ամենահեղինակավոր մրցույթների դափնեկիրներ։

Ղալամյանի հեղինակած գրքերը[խմբագրել]

Ղալամյանը հեղինակ է երկու հիմնարար մեթոդիկ գրքերի՝ «Ջութակի նվագի և դասավանդման սկզբունքները» և «Ժամանակակից ջութակի տեխնիկան»

  • Galamian I. Principles of Violin Playing and Teaching. Dover Publications, Inc., Mineola, New York 2013, Ivan Galamian, A Biographical Sketch, © by Stephanie Chase, 108 p.
  • Galamian I., Neumann F. Contemporary Violin Technique Volume 2, Double and Multiple Stops in Scale and Arpeggio Exercises. Boston: Galaxy Music Corporation, 1977, 41 p.
  • Galamian I., Neumann F. Contemporary Violin Technique Volume 1, Scales and Arpeggio Exercises with Bowing and Rhythm Patterns. New York: Schirmer, 1963, Part 1, 75 p, Part two, 40 p.

Ծանոթագրություններ[խմբագրել]

  1. Green E. A. H. Miraculous Teacher: Ivan Galamian and the Meadowmount experience, Copyright E. A. H Green, 1993, 180 p.

Արտաքին հղումներ[խմբագրել]