Իսչիգուալաստո

Իսչիգուալաստո
	իսպ.՝ Ischigualasto
	Կատեգորիա ԲՊՀՄ — II (Ազգային պարկ)
	Իսչիգուալաստո
Տեղագրություն	Արգենտինա
Կոորդինատներ	30°07′00″ հվ. լ. 67°54′43″ ամ. ե.HGЯO
Տարածք	603,69 կմ²
Հիմնադրված է	2004
	Parque Provincial de Ischigualasto Վիքիպահեստում

Իսչիգուալաստո (իսպ.՝ Parque provincial de Ischigualasto), բնության հատուկ պահպանվող տարածք Արգենտինայում, որը գտնվում է Սան–Խուան նահանգում, երկրի հյուսիս –արևմուտքում։ Պարկը Տալամպայա ազգային պարկի հետ միասին, որը գտնվում է նույն երկրաբանական տեղանքում, մտնում է ՅՈՒՆԵՍԿՕ–ի համաշխարհային ժառանգության մեջ։

Պարկի ընդհանուր մակերեսը կազմում է 603,7 կմ²։ Պարկի հիմնական մասը գտնվում է Վալյե–Ֆերտիլ դեպարտամենտի տարածքում, մասամբ Խաչալ դեպարտամենտի տարածքում, ծովի մակերևույթից 1300 մ բարձրության վրա։ Պարկին բնորոշ է տիպիկ անապատային և կիսաանապատային բուսականությունը (թփեր, կակտուսներ և փոքր ծառեր)։ Կլիման չոր է, անձրևները լինում են հիմնականում ամռանը, իսկ ջերմաստիճանը տատանվում է –10 մինչև +45 °C։ Պարկի տարածքում փչում են 20—40 կմ/ժ արագություն ունեցող մշտական հարավային քամիները։