Վիքիպեդիայից՝ ազատ հանրագիտարանից
«Ժորժ Սարգիսյան» թատերախումբ , ստեղծվել է 1984 թվականին Համազգային մշակութային միության նախաձեռնությամբ՝ ի հիշատակ լիբանանահայ դերասան, ռեժիսոր, մշակութային գործիչ Ժորժ Սարգիսյանի ։ Հիմնադիր և գեղարվեստական ղեկավար՝ Գալուստ Ճանսզյան ։ Նպատակն է հայ մշակույթի և հայոց լեզվի պահպանումն ու զարգացումը Արգենտինայի հայ գաղութում։ 1990 թ-ից ներկայացումները տրվում են զուգահեռ թարգմանությամբ (իսպաներեն)։ Թատերախումբն ակտիվ մասնակցում է գաղութում կազմակերպվող ազգային բոլոր կարևոր միջոցառումներին։ Բեմադրություններից են Մուշեղ Իշխանի «Մեռնիլը որքան դժվար է» (1985 ), «Կիփկիո արքան» (1988 ), Պերճ Զեյթունցյանի «Մեծ լռություն» (1990 ), Վիլյամ Սարոյանի «Երջանիկ ծնունդ» (1991 ) և այլն։ Թատերախմբում են Սարգիս Մուշյանը , Էտկարատո Գևորգյանը , Հերմինե Ճանսգյանը և ուրիշներ։ Թատրոնը հյուրախաղերով հանդես է եկել Ուրուգվայում , Երևանում (1999 )։
Կաղապար:Արգենտինա-անավարտ
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստան հանրագիտարանից , որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
Արգենտինա