Ժորդի Սավալ

Վիքիպեդիայից՝ ազատ հանրագիտարանից

Ժորդի Սավալ ի Բերնադետ (կատ.՝ Jordi Savall i Bernadet, ծնվ.՝ 1941 օգոստոսի 1, Իգուալադա, Բարսելոնայի նահանգ), կատալոնացի դիրիժոր։ Նվագում է (վիոլա դա գամբա) գործիքի վրա։ Հայտնի է առավելապես որպես հին եվրոպական, բարոկկո ոճի, ինչպես նաև ավանդական հայկական երաժշտության կատարող։

Կենսագրություն[խմբագրել]

Սովորել է Բարսելոնայի կոսերվատորիայում (թավջութակ), որտեղ ծանոթացել է ապագա կնոջ՝ երգչուհի Մոնթսերրաթ Ֆիգերասի հետ։ Փարիզում լինելու ժամանակ Ազգային գրադարանում հայտնավերել է Մարենա Մարեի ձեռագրերը, որոնց կատարման համար նա սկսում է վիոլա դա գամբայով նվագել սովորել։ Շարունակել է իր ուսմունքը բազելյան Schola Cantorum-ում։ 1970 թվականին վիոլա դա գամբա նվագելով հաջողակ կարիերա է սկսել։ Քննադատների կողմից համարվում է հին երաժշտության լավագույն մեկնաբաններից մեկը։ Ստեղծել է Hespèrion XX (ներկայումս՝ Hesperion XXI) վաղ երաժշտության համույթը։

2012թ. լույս է տեսել Սավալի «Հայկական ոգի» (Esprit d'Arménie) ձայնասկավառակը, որտեղ հավաքված են հայկական ավանդական մեղեդիներ։ Ըստ բրիտանական «Թայմս» ամսագրի երաժշտական քննադատի «Մտասևեռող և ողբերգական այս ձայնասկավառակը երկակի ողբ է` Ժորդի Սավալի հանգուցյալ կնոջ՝ երգչուհի Մոնսերատ Ֆիգուերասի, որը հայկական երաժշտություն էր սիրում, ինչպես նաև Հայաստանի համար՝ իր արտաքին նվաճման և կոտորածների երկար պատմությամբ։... Այն հիպնոտիկ և նրբին մելամաաղձոտ է»[1]։

Ծանոթագրություններ[խմբագրել]

  1. “Haunting and tragic, this CD is a double-lament — for Jordi Savall’s late wife, the singer Montserrat Figueras, who loved Armenian music, and for Armenia, with its long history of foreign subjugation and massacre...It is hypnotic and exquisitely melancholic.” Jordi Savall: Armenian Spirit

Արտաքին հղումներ[խմբագրել]