Ժանգասնկեր

Վիքիպեդիայից՝ ազատ հանրագիտարանից
Ժանգասնկեր
Գիտական դասակարգում
Թագավորություն Սնկեր
Տիպ Բազիդիոմիցետներ
Դաս Pucciniomycetes
Կարգ Pucciniales
Լատիներեն անվանում
Uredinales/Pucciniales

Սնկերի կարգ (լատիներէն` Uredinales, յայտնի նաեւ Pucciniales անուամբ)։ Այս կարգի սնկերը բարձրակարգ բոյսերի մակաբոյծներ են, լայնօրէն տարածուած տարբեր լայնոյթներում։ Հաշւուում է դրանց մօտ 5000 տեսակ (1981 թ.-ի դրութեամբ)։ Ժանգասնկերի մօտ յայտնի է մեկ տեսակի կենսական շրջանում իրար հետեւող մի քանի տարատեսակ սպորատւութեան երեւոյթը, որն աւարտւում է տելեյտոսպորների (հանգչող սպորների) առաջացմամբ։ Տելեյտոսպորն աճելով վերածւում է քառաբջիջ բազիդիումի, որի բջիջները դասաւորուած են մեկը միւսի վրայ։ Ժանգասնկերի մարմինը (միցելիումը) տարածւում է վարակուած բոյսի հիւսուածքների միջբջջային տարածութիւններով, իսկ բջիջների մէջ մխրճում է հաուստորիումները (հիֆերի յատուկ ճիւղաւորումներ` տէր բոյսի բջիջներից սննդարար նիւթերը ծծելու համար)։ Այն պարունակում է իւղի կաթիլներ` ներկուած նարնջագոյն` կարոտինին մօտ մի գունանիւթի շնորհիւ։ Նոյնպիսի կաթիլներ պարունակւում են նաեւ սպորներում։ Ախտահարուած բոյսերը ծածկւում են նարնջագոյնի կամ կարմրադարչնագոյնի տարբեր երանգների բարձիկներով, ինչի պատճառով էլ այս սնկերի յարուցած հիւանդութիւնը կոչւում է ժանգ։

Աղբյուրներ[խմբագրել]

  • КУРС НИЗШИХ РАСТЕНИЙ։ Учебник для студентов ун-тов. Великанов Л. Л., Гарибова Л. В., Горбунова Н. П., Горленко М. В. и др., "Высшая школа", Москва 1981.