Ժակ Օֆենբախ

Այս հոդվածը կոմպոզիտոր Ժակ Օֆենբախի մասին է։ Այլ գործածությունների համար, այցելեք Օֆենբախ (բազմանշանակություն)։

Ժակ Օֆենբախ
(կոմպոզիտոր)
Բնագիր ԱԱՀ՝	Jacques Offenbach
Ծննդյան օր՝	հունիսի 20, 1819
Ծննդավայր՝	Քյոլն (Գերմանիա)
Վախճանի օր՝	հոկտեմբերի 5, 1880
Վախճանի վայր՝	Փարիզ (Ֆրանսիա)

Ժակ Օֆենբախ ազգանունը Էբերշտ (ֆրանսերեն՝ Jacques Offenbach, 1819թ. հունիսի 20 – 1880թ. հոկտեմբերի 5) գերմանացի հրեայի ընտանիքից սերվող ֆրանսիացի երգահան և թավջութակահար, ֆրանսիական օպերետ ժանրի ստեղծողներից մեկը։ 19-րդ դարի եվրոպական թեթև ժանրի հանրամատչելի երաժշտության առավել ազդեցիկ երգահաններից է, որի ստեղծագործություններից շատերը դեռ այսօր էլ չեն կորցրել իրենց հմայքը և բեմադրվում են խոշորագույն օպերային թատրոնների կողմից։

Օֆֆենբախի բազմաթիվ օպերետներից առավել նշանակալիցներն են՝ «Օրփեոսը ստորգետնյա աշխարհում»(1858), «Չքնաղ Հեղինեն»(1864), «Պերիկոլան»(1868)։ Կյանքի վերջում աշխատել է «Հոֆմանի հեքիաթները» օպերայի վրա, որը սակայն չի հասցրել ամբողջությամբ ավարտել։