Թռիչք կկվի բնի վրայով (վեպ)

Վիքիպեդիայից՝ ազատ հանրագիտարանից
1rightarrow blue.svg Նույնանուն ֆիլմի համար տե՛ս Թռիչք կկվի բնի վրայով (ֆիլմ)
Վեպի հեղինակ Կեն Կիզին 1984 թվականին Մայամիի գրական ֆեստիվալի ժամանակ ելույթ ունենալիս

«Թռիչք կկվի բնի վրայով» (անգլ.՝ One Flew Over the Cuckoo's Nest ), Կեն Կիզիի, 1962 թվականին գրված վեպ։ Վեպը նվիրված է հոգեբուժական այնժամանակվա մեթոդների քննադատությանը և անհատի պայքարին դրանց դեմ։ 1975 այն իր էկրանավորումն է ստացել Միլոշ Ֆորմանի կողմից Թռիչք կկվի բնի վրայով ֆիլմում, որը միանգամից հինգ «մեծ» Օսկարի է արժանացած 3 ֆիլմերից մեկն է։

Ամփոփ բովանդակություն[խմբագրել]

Ստեղծագործությունը շարադրվում է առաջնորդ Բրոդմենի անունից, ով վաղուց արդեն հոգեբուժարաններում է և ձևանում է խուլ ու համր։ Հոգեբուժարանում արդեն երկար ժամանակ է ամեն ինչ գնում է հին, անփոփոխ ու երկաթյա օրակարգով, որ հաստատել է բուժքույր Ռետչիդը։ Ամբողջ օրը դասավորված է րոպեներով․ վեր֊կաց, լվացվել, ճաշարան, խաղասենյակ․․․ Բրոդմենը գիտի, որ գլխավոր բուժքույրն է կառավարում իրենց բոլորին տարբեր ձևերով՝ մշուշ բաց թողնելով, ստիպելով դրա մեջ թաղվել ու ժամանակի ընթացքը կառավարելով։

Այս վաղուց հաստատված օրակարգը խախտում է Ռենդլ ՄաքՄերֆին, որ հոգեբուժարան է տեղափոխվում բանտից՝ իր իսկ ցանկությամբ հոգեկան հիվանդություն սիմուլացնելով։ Նա կարծում է, որ հիվանդանոցում ավելի լավ կանցնի ազատազրկման ժամանակահատվածը։

Գիրքը բաղկացած է երեք մասերից։ Առաջինում ՄաքՄերֆիի հայտնվելն է, նրա պայքար մտցնելը բուժքրոջ դեմ։ Երկրորդ մասին բնորոշ է ՄաքՄերֆիի խուսափումը բուժքրոջ հետ հետագա պայքարից ու ապստամբական ոգու անկումը․ նա բացահայտում է, որ գլխավոր բուժքրոջ որոշումից է կախված՝ ինչքան ժամանակ նա կմնա այդտեղ։ Երրորդ մասում հին ՄաքՄերֆին վերադառնում է․ նա կրկին սկսում է պայքարել «Կոմբինատի» դեմ։[1]

Հետաքրքիր փաստեր[խմբագրել]

  • Կեն Կիզին աշխատել է հոգեբուժարանում և այս վեպը գրել է որպես ապստամբություն առկա կարգերին։ Իր այս գրքով նրան հաջողվել է որոշակի փոփոխությունների հասնել այս ոլորտում։
  • Քույր Ռետչիդի անունը ռուսերեն թարգմանել են իմաստային՝ Гнусен։
  • Ֆիլմում Մաքմերֆիին մարմնավորած Ջեք Նիկոլսոնի մազերը մուգ են, իսկ գրքում՝ նարնջագույն։

Ծանոթագրություններ[խմբագրել]