Լայն օվալաձև պսակով ծառ է կամ խոշոր թուփ՝ մինչև 8 մ բարձրությամբ, մուգ մոխրագույն, հարթ կեղևով ։ Տերևները ձվաձև են, վառ կարմրավուն, ունեն 5-10 սմ երկարություն։ Ծաղիկներն անշուք են, պտուղները թևանման են 3-4 սմ երկարության, ունեն կարմիր գունավորում, որի շնորհիվ ամռանը (հունիս-հուլիս) առաջացնում են ծաղկային իլուզիա և ինքնատիպ շուք են հաղորդում կանաչ տնկարկներին։ Հաջողությամբ բազմանում է սերմերով։ Թխկու այս տեսակը չորադիմացկուն է, ցրտադիմացկուն, ստվերատար, գազադիմացկուն, հողի նկատմամբ պահանջկոտ չէ։ Ընձյուղները կարմրադարչնագույն են, անկյունավոր։ Տերևներն ունեն 6-10 սմ երկարություն և 3-7 սմ լայնություն, ձվաձև են, որոշ չափով ձգված կամ կլորավուն, սովորաբար ամբողջաեզր, երբեմն՝ բլթակավոր, կրկնակի սղոցաեզր, վերևից մուգ կանաչ, ներքևից՝ ավելի բաց գույնի։ Ծաղիկները գտնվում են մազանման ծաղկակիրների վրա՝ հավաքված խիտ հուրաններում։ Բաժակաթերթիկները դեղնականաչ են, պսակաթերթիկները՝ սպիտակ[1]։
