Թեոֆիլիս Տիլվիտիս

Թեոֆիլիս Տիլվիտիս
Ծնվել է	հունվարի 15 (28), 1904
Ծննդավայր	Gaidžiai, Կովնոյի նահանգ, Ռուսական կայսրություն
Վախճանվել է	մայիսի 5, 1969 (65 տարեկան)
Վախճանի վայր	Վիլնյուս, Լիտվական ԽՍՀ, ԽՍՀՄ
Գերեզման	Անտակալնիսի գերեզմանատուն
Մասնագիտություն	թարգմանիչ, բանաստեղծ և գրող
Լեզու	լիտվերեն
Քաղաքացիություն	ԽՍՀՄ և Լիտվա
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ	; և
	Teofilis Tilvytis Վիքիպահեստում

Թեոֆիլիս Տիլվիտիս (լիտ.՝ Teofilis Tilvytis, հունվարի 15 (28), 1904, Gaidžiai, Կովնոյի նահանգ, Ռուսական կայսրություն - մայիսի 5, 1969(1969-05-05)^[1], Վիլնյուս, Լիտվական ԽՍՀ, ԽՍՀՄ^[1]), լիտվացի սովետական բանաստեղծ։ Լիտվայի ԽՍՀ ժողովրդական բանաստեղծ (1954)։ ԽՄԿԿ անդամ 1951 թվականից։ 1933-1940 թվականներին «Կունտապլիս» («Kuntaplis») երգիծական շաբաթաթերթի խմբագիր։ «Երեք գրենադեր» (1926) գրական պարոդիաների ժողովածուն ուղղված էր սիմվոլիստների և ռոմանտիկների դեմ։ «Մաճկալներ» (1930—1947) պոեմում գրոտեսկային պլանով տրված է Լիտվայի պատմության ժամանակագրությունը։ «Ճանապարհորդություն սեղանի շուրջը» (1936) վեպում Տիլվիտիսը ծաղրել է աստիճանավորների կենցաղը։ Սովետական շրջանում հիմնականում գրել է քնարական բանաստեղծություններ և էպիկական պոեմներ։ Հրատարակվել են նրա «Բալթիկայի քամին» (1948), «Սոնետներ երջանկության մասին» (1951), «Հայրենիքի դաշտերում» (1953) բանաստեղծական ժողովածուները, «Ուսնինե» (1949, ՍՍՀՄ պետ․ մրցանակ, 1951), «Երգ կյանքի գնով» (1962) պոեմները։ Հեղինակ է նաև «Տուն իմ հարազատ» (1958) և «Ավաղ, պատահում է» (1964) երգիծական ժողովածուների։ Պարգևատրվել է Լենինի և Աշխատանքային կարմիր դրոշի շքանշաններով։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 Тильвитис Теофилис // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

Վիքիպահեստն ունի նյութեր, որոնք վերաբերում են «Թեոֆիլիս Տիլվիտիս» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 6)։

[_bd680a7a5685e099-1] 1,0 ^1,1 ^1,2 ^1,3 ^1,4 ^1,5 Тильвитис Теофилис // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[1]