Թեյլոր Մոմսեն

Վիքիպեդիայից՝ ազատ հանրագիտարանից
Թեյլոր Մոմսեն
Taylor Michel Momsen
Taylor Momsen at Met Opera.jpg
Ծնվել է Հուլիս 26 , 1993
Ծննդավայր Սենտ Լուիս, Միսուրի ԱՄՆ-ի դրոշը ԱՄՆ
Քաղաքացիություն ամերիկացի
Հպատակություն ամերիկացի

Թեյլոր Միշել Մոմսեն (անգլ.՝ Taylor Michel Momsen, ծնվ. հուլիս 26 1993), ամերիկյան դերասանուհի, երգչուհի, երգահան և մոդել։ Հայտնի է դարձել «Բամբասանքի աղջիկ» հեռուստասերիալում նկարահանվելուց հետո։ Նա հիմնադրել է «The Pretty Reckless» ռոք խումբը և վերջինիս մենակատարն է։

Կենսագրություն[խմբագրել]

Թեյլորը ծնվել է Միսսուրի նահանգի Սենտ Լուիս շրջանում։ Ունի ռուսական արմատներ[1][2][3]։ Թեյլորն ունի կրտսեր քույր` Սլոուն Մոմսենը (ծնվել է 1996 թվականի դեկտեմբերի 20-ին)։ Կարիերան սկսել է երեք տարեկանում` նկարահանվելով Shake N' Bake-ի գովազդում։ Առաջին նշանակալի դերը կատարել է «Մահվան մարգարե» ֆիլմում, որտեղ նկարահանվել է Դենիս Հոպպերի հետ։ 2000 թվականին Ջիմ Քերրիի հետ նկարահանվել է Գրինչը` Սուրբ Ծնունդն առևանգողը ֆիլմում։ 2002 թվականին նկարահանվել է «Հենզել ու Գրետել» (կատարել է Գրետելի դերը), Լրտեսների երեխաները 2. Անիրականալի հույսերի կղզին և «Մենք զինվորներ էինք» ֆիլմերում։

Հետագա երեք տարիների ընթացքում Թեյլորը չի նկարահանվել ոչ մի ֆիլմում, իսկ 2006 թվականին խաղացել է «Պարանոիդ-զբոսայգի», «Շերլոկին փրկելով» և «Շունը մեզ հետ է» ֆիլմերում։ Մասնակցել է Հաննա Մոնտանյի դերի քաստինգին։ Նույն թվականին նկարահանվել է «Ֆոմա Անհավատը» մանկական ֆիլմում։ 2007 թվականին Մոմսենը ընտրվել է «Բամբասկոտը» սերիալում նկարահանվելու համար։ 2008 թվականի հունիսին` 14 տարեկան հասակում, Մոմսենը պայմանագիր է կնքել IMG Models-ի հետ։ 2008 թվականից հետո Մոմսենը շատ ժամանակ է հատկացնում իր երաժշտական կարիերային։ Նա ունի իր խումբը` The Pretty Reckless, որտեղ նա հանդես է գալիս որպես վոկալիստ, կիթառիստ ու կոմպոզիտոր։ 2009 թվականի մայիս-հունիս ամիսներին իր խմբի հետ կատարել է համերգային շրջագայություն։

2010 թվականին The Pretty Reckless խմբի «Make Me Wanna Die» երգը դարձավ ֆիլմի սաունդթրեքը։ Ամռանը Թեյլորը «Miss nothing» երգի հիմնա վրա թողարկեց իր առաջին տեսահոլովակը և գրեթե ողջ ամառը շրջագայությունների մեջ էր (մասնակցել է նաև Vans Warped Tour 2010-ին)։

2010 թվականի հունիսի 15-ին հայտարարվեց, որ Թեյլոր Մոմսենը դառնում է Մադոննայի ու նրա դստեր` Լուրդեսի Material Girl հագուստի նոր հավաքածուի դեմքը[4]։

2011 թվականի օգոստոսի 16-ին Մոմսենը հայտարարել է, որ ավարտում է դերասանուհու կարիերան, որպեսզի ամբողջովին կենտրոնանա երաժշտության վրա։ Մերիլին Մենսոնի «Hey, Cruel World» համերգային շրջագայության ժամանակ Թեյլոր Մոմսենը հանդես է եկել համերգների սկզբում։ Ինչպես նաև Revolver Golden Awards-ի ընթացքում Մենսոնի հետ կատարել է «The Dope Show» երգը[5]։

Ծանոթագրություններ[խմբագրել]

  1. Momsen, Taylor (July 8, 2013)։ «Twitter: taylormomsen: @Zheka_Kinoman yes, I'm part Russian»։ Twitter.com։ https://twitter.com/taylormomsen/status/354258279599308800։ Վերցված է July 16, 2013։ 
  2. Тейлор Момсен: интервью для Tatler.ru
  3. О чем думает Тейлор Момсен в Москве
  4. «Grazia Fashion: Taylor Momsen is the face of Material Girl!»։ Graziadaily.co.uk։ 15 July 2010։ Արխիվացված օրիգինալից 2012-05-06-ին։ http://www.webcitation.org/67Se0UVQL։ Վերցված է 2012-02-02։ 
  5. «Momsen Quit Acting»։ www.yahooblogs.com։ 2011-8-16։ Արխիվացված օրիգինալից 2012-05-06-ին։ http://www.webcitation.org/67Se7YkCn։ Վերցված է 2011 թ․ օգոստոսի 16–ին։ 

Արտաքին հղումներ[խմբագրել]