Ընդունակություններ

Ընդունակություններ, անհատական հոգեբանական առանձնահատկություններ և գործունեության ներհոգեկան պայմաններ, որոնցով մարդիկ տարբերվում են միմյանցից։ Ընդունակությունների բարձրագույն դրսևորումներն են տաղանդը և հանճարեղությունը։

Անձի ընդունակությունների խումբը կազմում է նրա ենթակառուցվածքներից մեկը։ Ընդունակություններն այնպիսի առանձնահատկություններն են, որոնք հնարավոր են դարձնում որոշակի գործունեության հաջող կատարումը։ Ընդունակությունը չի հանգեցնում գիտելիքների ու հմտությունների, բայց բացատրում է դրանց ձեռք բերման դինամիկան (արագությունը, ծավալը, հեշտությամբ մտապահելը և այլն)։ Որոշ տարրական հոգեկան ընդունակություններ (կամ գործառույթներ) պայմանավորված են ժառանգականությամբ (օրինակ` զգայնականությունը, որով պայմանավորված են խոսելու, տարրական շարժողական հմտություններ ձեռք բերելու, տարրական խնդիրներ լուծելու, դիտելու, մտապահելու հնարավորությունները և այլն)։

Տես նաև

• Բթամտություն
• Արտակարգ ընդունակություններ
• Հանճարեղություն
• Տաղանդ