Ընդակերներ

Վիքիպեդիայից՝ ազատ հանրագիտարանից
Ընդակերներ
Bruchus pisorum
Գիտական դասակարգում
Թագավորություն Կենդանիներ
Տիպ Հոդվածոտանիներ
Դաս Միջատներ
Կարգ Բզեզներ
Ընտանիք Ընդակերներ
Լատիներեն անվանում
Bruchidae

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում

ITIS 678800
NCBI 64387

Ընդակերներ (լատ.՝ Bruchidae), բզեզների ընտանիք։

Արտաքին կառուցվածք[խմբագրել]

Ունեն բնորոշ արտաքին տեսք։ Գլուխը փոքր է, ուղղաձիգ, որոշ չափով առաջ ձգված, հաճախ աչքերը բեղիկների հիմքի շուրջը ուժեղ կտրված են, այտերը երկար են, քունքերը՝ մեծ՝ անկյունավոր դուրս ցցված, գլուխը հետևից նեղանալով՝ վիզ է կազմում։ Բեղիկները հաստ են, հաճախ՝ երկար, համրիչաձև կամ բզաձև։ Առաջնամեջքը կիսակլոր է կամ սեղանաձև, սովորաբար՝ լայնական։ Վերնաթևերը կարճ են ու տափակ։

Մարմինը հաճախ ծածկված է խիտ մազիկներով, որոնք կարող են խայտաբղետ նախշ առաջացնել։ Հետևի ազդրերն ուռած են, ստորին եզրի երկարությամբ՝ հաճախ ատամիկներով և փորոքով։ Սրունքները ծուռ են, հետևի թաթերի առաջին հոդը երկար է։

Բազմացում և զարգացում[խմբագրել]

Չափահաս թրթուրը հաստ է, սպիտակ, C-աձև թեթևակի ծռված։ Առաջին հասակի թրթուրի ոտքերը կարճ են, չափահասները սովորաբար անոտ են։ Սերունդը միամյա է. ձմեռում է թրթուրը կամ բզեզը։ Ընդերավորների բոլոր տեսակները զարգանում են երկշաքիլ բույսերի հատիկներում, ՀՀ բոլոր վնասատու տեսակները՝ թիթեռնածաղկավորների պատիճներում։ Ընդերավորները որպես լրացուցիչ սնունդ, ուտում են ծաղկափոշի, նաև պսակաթերթեր կամ տերևներ։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png