Ըղձական եղանակ

Վիքիպեդիայից՝ ազատ հանրագիտարանից

Ըղձական եղանակի բայաձևերը ցույց են տալիս գործողության կատարման իղձ, ցանկություն, կազմվում են առաջին հիմքով և համապատասխան դիմաթվային վերջավորություններով։ Ըղձական եղանակն ունի երկու պարզ ժամանակաձև՝ ըղձական ապառնի և ըղձական անցյալ։

Ըղձական ապառնի[խմբագրել]

Ըղձական ապառնին ցույց է տալիս կատարելի գործողության իղձ, ցանկություն:

  • Ե խոնարհման բայերի ըղձական ապառնին կազմվում է անորոշ դերբային -եմ, -ես, -ի, -ենք, -եք, -են վերջավորություններ ավելացնելով:

Եզակի երրորդ դեմքում Ե խոնարհիչը հնչյունափոխվում է Ի-ի։

  • Ա խոնարհաման բայերի ըղձական ապառնին կազմվում է անորոշ դերբային -ամ, -աս, -ա, -անք, -աք, -ան վերջավորություններ ավելացնելով:

Օրինակ`

       տեսնեմ         տեսնենք                գնամ        գնանք
       տեսնես         տեսնեք                 գնաս        գնաք
       տեսնի          տեսնեն                 գնա         գնան

Ըղձական անցյալ[խմբագրել]

Ըղձական անցյալը ցույց է տալիս անցյալում կատարելի իղձ, ցանկություն:

  • Ե խոնարհման բայերի ըղձական անցյալը կազմվում է անորոշ դերբայի հիմքին ավելացնելով -եի, -եիր, -եր, -եինք, -երք, -եին վերջավորությունները:
  • Ա խոնահման բայերի ըղձական անցյալը կազմվում է անորոշի հիմքին ավելացնելով -այի, -այիր, -ար, -այինք, -այիք, -ային վերջավորությունները:

Օրինակ`

      տեսնեի      տեսնեինք           գնայի          գնայինք
      տեսնեիր     տեսնեիք            գնայիր         գնայիք
      տեսներ      տեսնեին            գնար          գնային

Տես նաև[խմբագրել]