Էրսան Իլյասովա

Վիքիպեդիայից՝ ազատ հանրագիտարանից
Էրսան Իլյասովա
ErsanIlyasova.JPG
Դիրքը Ծանր հարձակվող / թեթև հարձակվող
Համար 7
Ի ծնե տրված անունը Էրսան Իլյասովա
Ծննդյան ամսաթիվ մայիսի 15, 1987 (1987-05-15) (27 տարեկան)
Ծննդավայր Թուրքիա Էսքիշեհիր, Էսքիշեհիր նահանգ, Թուրքիա
Ազգություն Թուրքիա Թուրք
Հասակ 208 սմ
Քաշ 107
Դրաֆթ 2005 / Ռաունդ` 2 / Ընտրություն` 36-րդ
Կարիերայի պատմություն ԹուրքիաՅուլքերսպոր (Թուրքիա)(2004-2005)
Ամերիկայի Միացյալ ՆահանգներՏուլսա Սիքստի Սիքսերս (Դի-լիգա, 2005-2006)
Ամերիկայի Միացյալ ՆահանգներՄիլոուքի Բաքս (2006-2007)
ԻսպանիաԲարսելոնա (2007-2009)
Ամերիկայի Միացյալ ՆահանգներՄիլոուքի Բաքս (2009-այժմ)
ԹուրքիաԱնադոլու Էֆես (Թուրքիա)(2011)
Դուշկո Սավանովիչը և Էրսան Իլյասովան (աջից) Սերբիա-Թուրքիա հանդիպման ժամանակ (ՖԻԲԱ-ի Աշխարհի առաջնություն, 2010թ.)

Էրսան Իլյասովա (թուրք.` Ersan İlyasova, ծնվ.` մայիսի 15, 1987թ.), թուրք պրոֆեսիոնալ բասկետբոլիստ, ով հանդես է գալիս Բասկետբոլի ազգային ոսոցիացիայի (NBA) «Միլոուքի Բաքս» ակումբում, ինչպես նաև Թուրքիայի բասկետբոլի ազգային հավաքականում։ Հասակը կազմում է 208 սմ։

Պրոֆեսիոնալ կարիերան[խմբագրել]

Թուրքիայում[խմբագրել]

Թուրքական «Յուլքերսպոր» ակումբի երիտասարդական հավաքականում հանդես գալուց հետո, Իլյասովան 2004-05 խաղաշրջանում պրոֆեսիոնալ մակարդակով միանում է Յուլքերսպորի հիմնական հավաքականին, որի կազմում անցկացնում է 11 խաղ` միջինը բերելով 4, 5 միավոր և 3, 2 անդրադարձ։

NBA-ում[խմբագրել]

Իլյասովոան ընտրվում է 2005թ.-ի NBA-ի դրաֆթի 2-րդ ռաունդում (ընդհանուր` 36-րդ ընտրությամբ) «Միլոուքի Բաքսի» կողմից և 2 տարվա պայմանագր է կնքում վերջինիս հետ։ Չնայած դրան` Իլյասովան 2005-06 խաղաշրջանում չի մասնակցում և ոչ մի NBA-ի հանդիպման, դրա փոխարեն միանում է NBA-ի զարգացման լիգայի (որը համարվում է կրտսեր լիգա) «Տուլսա Սիքստի Սիքսերս» ակումբին, որտեղ անցկացնելով 46 հանդիպում, Իլյասովայի միջին ցուցանիշներն էին 12.5 միավոր և 7.0 անդրադարձ։

Իլյասովան կատարում է իր NBA-յան առաջնաելույթը 2006թ.-ի նոյեմբերի 1-ին` որպես «Բաքսի» բասկետբոլիստ։ Խաղաշրջանի ավարտին Իլյասովոն լքում է ակումբը և միանում Իսպանիայի ACB լիգայում և Եվրալիգայում հանդես եկող «Բարսելոնա բասկետբոլային ակումբին»։

Իսպանիայում[խմբագրել]

2007թ.-ի հունիսի 16-ին Էրսան Իլյասովան 2 տարվա պայմանագիր է կնքում «Բարսելոնայի» հետ` դառնալով ակումբի պատմության առաջին թուրք բասկետբոլիստը։

Վերադարձը NBA[խմբագրել]

2009թ.-ի հուլիսին Իլյասովան վերադառնում է Միլոուքի` կնքելով 3 տարվա 7 000 000 դոլար արժողությամբ պայմանագիր։

2012թ.-ի փետրվարի 19-ին` «Նյու Ջերսի Նեթսի» (այժմ` «Բրուքլին Նեթս») հետ հանդիպման ժամանակ, Իլյասովան սահմանում է կարիերայի բարձրագույն` 29 միավոր և 25 անդրադարձ` դառնալով «Բաքսի» պատմության մեջ 3-րդ բասկետբոլիստը ով մեկ խաղի ժամանակ իր հաշվին գրանցել է առնվազն 25-ական միավոր և անդրադարձ (Քարիմ Աբդուլ-Ջաբարից ու Սվեն Լեյտերից հետո)։ Դրանից հետո նա արժանանում է «շաբաթվա խաղացող» միկրոկոչմանը` մարտի 5-ից 11-ը ցուցադրած խաղի համար։

Վերադարձը Թուրքիա[խմբագրել]

2011թ.-ի ամռանը` NBA-ի լոկաուտի ժամանակ, Իլյասովան պայմանագիր է կնքում թուրքական «Էֆես Պիլսենի» հետ

Անձնական կյանքը[խմբագրել]

Իլյասովան ամուսնացած է ոմն բելառուսական ծագում ունեցող Ջուլիա անունով կնոջ հետ։

Արտաքին հղումներ[խմբագրել]