Էստոնական երաժշտություն

Վիքիպեդիայից՝ ազատ հանրագիտարանից

էստոնական ժողովրդական երաժշտությունը հիմնականում միաձայն է։ ժողովրդականերգարվեստի հնագույն ժանրերն են աշխատանքային և ծիսական երգերը։ Հին ժողովրդական պարերը խմբական են։ XIX-րդ դարում կազմակերպվել են առաջին երգչախմբերը և փողային նվագախմբերը, 1869 թվականիցից (առաջինը Տարտուում) անց են կացվում երգի համաժողովրդական տոներ։ էստոնիայի առաջին կոմպոզիտորն է Ա. Կունիլեյդը։ 1899 թվականին Տարտուում բեմադրվել է առաջին օպերան, 1900 թվականին տեղի է ունեցել առաջին սիմֆոնիկ համերգը։ 1919 թվականին հիմնադրվել է Տալլինի բարձրագույն երաժշտական դպրոցը (1923 թվականից՝ կոնսերվատորիա)։ Նշանավոր կոմպոզիտորներն են Ա. Լյատեն, Ռ. Տոբիասը, Մ. Սաարը, Կ. Կրեեկը, Ա. Կապպը և Հ. էլլերը։ էստոնական առաջին՝ «Վիկինգներ» («Վի- կերցներ») օպերան (բեմ. 1928-ին) ստեղծել է է. Աավը։ Համաշխարհային ճանաչման են հասել ջութակահար Ցու. է. Սիրմուսը և կոնտրաբասահար Լ. Ցուխտը։ 1941 թվականին կազմակերպվել է էստոնական ԽՍՀ կոմպոզիտորների միությունը։ 1920-1950-ական թվականներին հայտնի օպերային երգիչներ են եղել Հ. էյները, Օ. Միկ-Կրուլը, Բ. Հանսենը, Կ. Օտսը, Ի. Աավ-Լոոն, Մ. Տարասը։ է. Տուբինի «Կրաաւոով» է սկզբնավորվում ազգային բալետը։ Լայն ճանաչում են ստացել Էստոնիայի ԽՍՀ պետական ակնւդեմիական արական երգ չախմբի գլխավոր դիրիժոր Դ. էռնևաըսը, խմբերգային, օպերային և սիմֆոնիկ երաժշտության ստեղծող է. Կապպը, օպերաների հեղինակ Բ. Կիրվերը և ուրիշներ, երգիչներ Տ. Կուուգիկը և Գ. Օտսը, դիրիժոր Վ. Յարվին։ Էստոնիայում գործում են օպերայի և բալետի ակադեմիա կան «էստոնիա» թատրոնը Տալլինում (հիմնված 1906), «Վանեմույնե» երաժշտական դրամատիկական թատրոնը Տարտուում (հիմնված 1870), ֆիլհարմոնիան։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png