Էնվեր փաշա

Վիքիպեդիայից՝ ազատ հանրագիտարանից
Էնվեր փաշա

Էնվեր փաշա (Ստամբուլ, նոյեմբեր 22, 1881 թ. - Դուշանբե (Տաջիկստան), օգոստոս 4, 1922 թ.), թուրք պետական և ռազմական գործիչ, Օսմանյան Թուրքիայի Ռազմական գործերի նախարարը (1913-1918թթ.) և երիտթուրքական «Միություն և առաջադիմություն» կուսակցության ղեկավարներից։ Հայոց Մեծ Եղեռնի գլխավոր կազմակերպողներից և իրականացնողներից մեկը։

Առաջին համաշխարհային պատերազմի սկզբին անմիջականորեն գլխավորել է Կովկասյան ճակատում թուրքական լայնածավալ հարձակումը, որը սակայն կատարյալ անհաջողությամբ է ավարտվել (Սարիղամիշի օպերացիա, 1914 թ. դեկտեմբեր-1915 թ. հունվար)։

Օսմանյան կայսրության պարտությունից հետո 1918 թ. նոյեմբերին Էնվերը ապաստանել է Գերմանիայում։ 1919 թ. հեռակա կարգով մահվան է դատապարտվել օսմանյան նոր իշխանությունների կողմից։

1921 թ. անցել է Միջին Ասիա, որտեղ գլխավորել է բասմաչների գործողությունները։ Սպանվել է խորհրդային զորքերի հետ բախումներից մեկի ժամանակ 40-ամյա տարիքում՝ արցախցի ռազմիկ Հակոբ Մելքումյանիկողմից։