Խորհրդային տարիներից մնացած գործող ենթակայան Երևանի կենտրոնում
Էլեկտրական ենթակայան, էներգետիկական համակարգի մաս, որտեղ մեկ լարման էլեկտրական էներգիան փոխակերպվում է այլ լարումների էներգիայի և բաշխվում օդային ու կաբելային առանձին գծերով։ Ենթակայանի կազմի մեջ մտնում են տրանսֆորմատորներ կամ ավտոտրանսֆորմատորներ, կոմուտացիոն ապարատներով և հավաքովի տողերով բարձր և ցածր լարման բաշխիչ սարքեր։ Էներգահամակարգում գործում են բազմաթիվ (այդ թվում՝ փոփոխական հոսանքի 300 կմ լարման սարքավորմամբ) ենթակայաններ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 515)։
