Էդուարդ Հիգգինս Ուայթ

Վիքիպեդիայից՝ ազատ հանրագիտարանից
EdwardWhite.jpeg

Էդուարդ Հիգգինս Ուայթ (անգլերեն` Edward Higgins White, 1930, նոյեմբերի 14 - 1967, հունվարի 27), ԱՄՆ-ի տիեզերագնաց-օդաչու, ռազմաօդային ուժերի փոխգնդապետ։

Ավարտել է ԱՄՆ-ի ռազմական ակադեմիան (1952), Միչիգանի համալսարանը (1959), ստացել տիեզերագնացության մագիստրոսի աստիճան։ ԱՄՆ-ի տիեզերագնացների խմբում էր 1962-ից։ 1965-ի հունիսի 3-7-ին Ջեյմս Մակդիվիդի հետ, որպես երկրորդ օդաչու, թռիչք է կատարել «Ջեմմինի-4» տիեզերանավով։ Թռիչքի ընթացքում ԱՄՆ-ում առաջինը իրականացրել է տիեզերական տարածություն դուրս գալը (20 րոպե տևողությամբ), որտեղ շարժվել է ձեռքի ռեակտիվ սարքավորման օգնությամբ։ Տիեզերքում եղել է 97 ժամ 56 րոպե, անցել մոտ 2,6 միլիոն կմ տարածություն։ Ուայթը առաջին «Ապոլլոն» տիեզերանավի երկրային փորձարկումների ժամանակ զոհվել է։ Ուայթի անունով կոչվում է Լուսնի չերևացող կողմի խառնարաններից մեկը։[1]

Ծանոթագրություններ[խմբագրել]

  1. ՀՍՀ, հ. 12։