Էդդի Գերերո

Վիքիպեդիայից՝ ազատ հանրագիտարանից
(Վերահղված է Էդդի Գեռեռոից)
Էդդի Գերերո
Ռինգային անուն(ներ) Էդդի Գերերո
Սև Վագր
El Caliente
Máscara Mágica
Լատինական շոգ
Ընդհանուր տեղեկություններ
Իրական քաշ 103 կգ
Իրական հասակ 173 սմ
Ծննդյան թվական Հոկտեմբերի 9, 1967
Ծննդավայր Ամերիկայի Միացյալ Նահանգներ Էլ Պասո, Տեխաս, ԱՄՆ
Վախճանի թվական Նոյեմբեր 13, 2005 (38 տարեկան)
Վախճանի վայր Ամերիկայի Միացյալ Նահանգներ Մինեապոլիս, Մինեսոտա, ԱՄՆ
Մարզիչ Չավո Գերերո ավագ
Մանդո Գերերո
Հեկտոր Գերերո
Դեբյուտ Հուլիսի 1, 1992թ.
Կարիերայի ավարտ Նոյեմբերի 15, 2005թ.
Էդդի Գերերոն (աջից) վաղեմի ընկեր Քրիս Բենուայի հետ

Էդուարդո Գորես «Էդդի» Գերերո Լիանես (անգլ.` Eduardo Gory "Eddie" Guerrero Llanes, հոկտեմբերի 9, 1967 - նոյեմբերի 13, 2005) մեքսիկա-ամերիկացի պրոֆեսիոնալ ըմբշամարտիկ։ Հանդես է եկել Մեքսիկայում, Ճապոնիայում և ԱՄՆ-ի մի շարք առաջնակարգ պրոմոշեններում` «Extreme Championship Wrestling» (ECW), «World Championship Wrestling» (WCW) և մինչև կյանքի ընդհատումը` «World Wrestling Entertainment»-ում (WWE)։ Գերերոյի ռինգային կերպարն իրենից ներկայացնում էր մի անձ, ով ամեն ինչ անում էր հաղթելու համար. և չնայած նրա գիմիկը բացասական էր, կարողացել էր դառնալ հանդիսատեսի սիրելի ըմբիշը, և՛ ռինգում, և՛ ռինգից դուրս։

Չնայած մեծ ժողովրդայնություն վայելելուն` Գերերոն իրական կյանքում ունենում էր խնդիրներ ալկոհոլիզմի և ցավազրկող դեղերի հանդեպ ունեցած կախվածության հետ։ Ենթադրվում է, որ Գերերոն չափից շատ ցավազրկողներ էր ընդունում, որպեսզի կարողանար վերականգնվել մարտերից ստացած իրական վնասվածքներից և ցավերից։

Մահը[խմբագրել]

Գերերոյին իր մինեապոլիսյան հյուրանոցային համարում մահացած հայտնաբերում է նրա եղբորորդին` Չավոն` 2005 թվականիի նոյեմբերի 15-ին։ Չավոն փորձում է արհեստական շնչառություն տալ, սակայն երբ շտապ օգնությունը ժամանում է դեպքի վայր, Էդդի Գերերոն հայտարարվում է վախճանված։ Այդ ժամանակ Գերերոն 38 տարեկան էր։ Դատական բժշկությունը պարզում է, որ Գերերոն մահացել էր սրտի աշխատանքի կանգից, որն իր հերթին առաջացել էր ավտոսկլերոզային սրտի հիվանդության առաջ գալուց։ Էդդիի կինը` Վիկի Գերերոն, նշում է, որ ամուսինը վերջին շաբաթվա ընթացքում լավ չէր զգում իրեն։ Մահվանից մի քանի օր անց հեռուստատեսությամբ Չավո Գերերոն նշում է, որ հորեղբայրը վերջին ժամանակներում չափազանց շատ էր իրեն ենթարկում ֆիզիկական մարզանքի։

Արտաքին հղումներ[խմբագրել]