Զաք Պողոսյան

Վիքիպեդիայից՝ ազատ հանրագիտարանից
Պողոսյանը «Ջեթսի» կազմում (2012)

Զաքարի Մ. Պողոսյան (անգլերեն՝ Zachary M. Bogosian, ծնվ.` հուլիսի 15, 1990, Մասենա, Նյու Յորք), ամերիկահայ պրոֆեսիոնբալ հոկեյիստ, պաշտպան։ Ներկա պահին հանդես է գալիս Հոկեյի ազգային լիգայի (NHL) «Վինիպեգ Ջեթս» ակումբում։

Հաճախել է Կուշինգի ակադեմիան (Մասաչուսեթս նահանգ), որից հետո պայմանագիր է կնքել Օնտարիոյի հոկեյի լիգայի (OHL) «Պիտերբորո Պիթս» կրտսեր ակումբի հետ, որի կազմում անցկացրել է երկու մրցաշրջան։ «Պիթսում» ելույթ ունենալու երկրորդ տարում Պողոսյանն արժանանում է մրցաշրջանի լավագաույն խաղացողի տիտղոսին։ Քննադատների կողմից Պողոսյանը որակավորվում էր որպես ամբողջական հոկեյիստ` պինդ ֆիզիկական տվյալներով և թե՛ հարձակման, թե՛ պաշտպանության ժամանակ աչքի ընկնող խաղով։ Ընտրվել է NHL-ի 2008 թվականի դրաֆթի առաջին ռաունդի երրորդ ընտրությամբ` «Ատլանտա Թրեշերսի» կողմից։ Վնասվածքի պատճառով առաջին տարում Պողոսյանը բաց է թողնում մի շարք հանդիպումներ։ Երկրորդ տարում Պողոսյանն իր խփած գոլերով հավասարվում է «պաշտպանի կողմից խփված առավաելագույն գոլերի» ռեկորդին։

Հանդես է եկել նաև Միացյալ նահանգների հոկեյի ազգային հավաքականում` 2009 թվականին մասնակցելով IIHF Աշխարհի առաջնությանը։


Արտաքին հղումներ[խմբագրել]