Երևանի հիդրոէլեկտրակայան

Երևանի հիդրոէլեկտրակայան Սևան-Հրազդան կասկադի, վեցերորդ (վերջին) կայանը։ Գտնվում է Երևան քաղաքի շրջագծում։ Շինարարությունը սկսվել է [[1957թ' շահագործման է հանձնվել 1961 թվականին, երկրորդը՝ 1962 թվականին։ Կայանի կարողությունը 44 հազար կվա Է, էլեկտրաէներգիայի տարեկան միջին արտադրանքը՝ 210 միլիոն կվտժ։ Երևանի հիդրոէլեկտրակայանը օգտագործում է Քանաքեռի ՀԷԿ-ի ներքին բիեֆի և Արտաշատի ոռոգման գլխային հանգույցի հատվածի գետի ավելի քան 90 մ անկումը։ Գլխային հանգույցը կազմված է քարալիցքային պատվարից (որի շնորհիվ ստեղծվել է 120 հազար մ³ օգտակար ծավալով օրական կարգավորման ջրավազան), ջրընդունիչ և ջրթափ կառույցներից։ Ջրընդունիչից սկիզբ է առնում դերիվացիոն ճնշումնային թունելը (երկարությունը՝ 2,8 կմ)։ Այն վերջանում է հավասարեցնող երկաթբետոնե ջրամբարով, որից սկսվում է 281 մ երկարությամբ մետաղե խողովակաշարը։ Մեքենայական սրահում տեղադրված է 2 հիդրոագրեգատ, յուրաքանչյուրը՝ 22 հազար կվա հզորությամբ։

Երևանի հիդրոէլեկտրակայանի շահագործման հանձնելուց հետո վերասարքավորվեցին նախկինում գործող Երևանի հիդրոէլեկտրակայանի 1-ը (շահագործման է հանձնվել 1926 թվականին, կարողությունը՝ 5,2 հազար կվա) և Երևանի հիդրոէլեկտրակայանի 11-ը (շահագործման է հանձնվել 1932 թվականին, կարողությունը՝ 2,35 հազար կվա)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 575)։