Եվմենոս II

Վիքիպեդիայից՝ ազատ հանրագիտարանից
Եվմենոս II
Εὐμένης Β' τῆς Περγάμου
EumenesII.jpg
Պերգամոն-ի 5-րդ արքա
Ստանձնեց պաշտոնը՝ մ.թ.ա. 197
Լքեց պաշտոնը՝ մ.թ.ա. 159
Այլ տիտղոսներ՝ Զորահրամանատար
Նախորդող՝ Ատտալոս I
Հաջորդող՝ Ատտալոս II
Ծննդյան օր՝  ?
Վախճանի օր՝ մ.թ.ա. 159
Երեխաներ՝ 1-ին կնոջից երեխա չունի, 2-րդ կնոջից ` Ատտալոս III
Դինաստիա՝ Ատտալյան դինաստիա
Հայր՝ Ատտալոս I Սոտեր
Մայր՝ Ապոլոնիս

Եվմենես II (մ.թ.ա. 197-159թթ.), Պերգամոնի կառավարիչ, որի օրոք Պերգամոնի թագավորությունը հասել է իր հզորության գագաթնակետին, իսկ Պերգամոն քաղաքը սկսել է մրցակցել Ալեքսանդրիայի հետ հելլենիստական մշակույթի կենտրոն կոչվելու համար։

Եվմենոսը շարունակել է հոր քաղաքականությունը՝ դաշնակցել Հռոմի հետ սիրիացիների ու մակեդոնացիների դեմ։ Մ.թ.ա. 190թ.-ին Մագնեսիայի ճակատամարտում ջախջախել է Սելևկյաններին և տիրացել նրանց փոքրասիական տիրույթներին ու Թրակիական Խերսոնեսին։ Մ.թ.ա. 176-ին Սելևկյան գահին հաստատեց Անտիոքոս IV Եպիփանեսին։ Դրանից հետո Եվմենեսը հայացքը թեքել է հյուսիս և ոազմական գործողություններ սկսել Պոնտոսի և Բութանիայի դեմ, որի կեղմում էր ինքը Հաննիբալը։ Երրորդ Մակեդոնյան պատերազմի ժամանակ դաշնակցել է հռոմեացիներին և Հռոմի հետ կապերը սերտացնելու համար մ.թ.ա. 172-ին այցելել է Հռոմ։

Եվմենոսի կառավարման տարիներին են կառուցվել Պերգամոնի ակրոպոլիսի համարյա բոլոր սքանչելի շինությունները, նաև հանրահայտ Զևսի զոհասեղանը (Պերգամյան զոհասեղան)։ Նրա օրոք Պերգամի գրադարանը սկսել է մրցակցել Ալեքսանդրիայի գրադարանի հետ, ինչը ստիպել է Պտղոմեոսյաններին արգելել պապիրուսի արտահանումը Եգիպտոսից։ Ի պատասխան այս քայլի պերգամցիները հայտնագործել են նոր տեսակի նյութ՝ մագաղաթ (պերգամենտ)։