Եվգենի Վասիլևիչ Բազարով
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Եվգենի Վասիլևիչ Բազարով | |
|---|---|
 Դիմանկարը՝ Կ. Ի. Ռուդակովի, 1940-ական թվականներ | |
| Հեղինակներ՝ | Իվան Տուրգենև, «Հայրեր և որդիներ» |
| Մարմնավորողներ՝ | Վիկտոր Ավդյուշկո (1958), Ալեքսանդր Ուստյուգով (2008) |
| Մասնագիտություններ՝ | Բժիշկ |
| Ազգություն՝ | Ռուս |
Եվգենի Վասիլևիչ Բազարով, Տուրգենևի «Հայրեր և որդիներ» վեպի հերոս։ Նիհիլիզմի հետևորդ է, այսինքն՝ մերժում է հասարակության մեջ ընդունված բոլոր արժեքները։
Կյանքի պատմությունը[խմբագրել | խմբագրել կոդը]
|
Սովորական բժշկի որդի, որի հայրը, սակայն, կարողացավ շուտ բացահայտել որդուն և ոչինչ չխնայեց նրա դաստիարակության համար... | 
|
Եվգենի Բազարովը ծնվել է գնդի բժիշկ Վասիլի Բազարովի և ազնվական ծագում ունեցող Արինա Վլասևնայի ընտանիքում, սովորել է բժշկական համալսարանում (գնալով հոր հետքերով)։ Համալսարանում Բազարովը ծանոթանում և մտերմանում է Արկադի Նիկոլաևիչ Կիրսանովի հետ։ Շուտով նրանք միասին մեկնում են Կիրսանովների կալվածք, որտեղ Բազարովը ծանոթանում է Արկադիի հոր՝ Նիկոլայ Պետրովիչի և հորեղբոր՝ Պավել Պետրովիչի հետ։ Վերջինիս հետ ընդհարվում է կյանքի հանդեպ ունեցած տարակարծության պատճառով։
Այնուհետև Բազարովը սիրահարվում է Աննա Սերգեևնա Օդինցովային, որի հանդեպ տածած սերը Եվգենիի մեջ հիմնովին փոխում է նիհիլիզմի արտահայտվածությունը. նա սկսում է «հավատալ սիրուն»։ Դրանից հետո Բազարովն Արկադիի հետ մեկնում է ծնողների մոտ։ Երեք օր այստեղ մնալով՝ նրանք վերադառնում են Կիրսանովների մոտ, որտեղ սիրահետում է Փենեչկային, այնուհետև մենամարտում է Պավել Պետրովիչ Կիրսանովի հետ։
Բազարովը մեկնում է հոր մոտ, որտեղ սկսում է բուժել նրանց, ովքեր բժշկի կարիք են ունենում։ Տիֆից մահացածի դիակի վրա աշխատելիս՝ վնասում է մատը և շուտով մահանում արյան վարակումից։
Նախատիպեր[խմբագրել | խմբագրել կոդը]
Բազարովի կերպարի նախատիպ կարելի է համարել 19-րդ դարի կեսերի երիտասարդ քննադատների և հրապարակախոսների ողջ սերունդը. Ն. Ա. Դոբրոլյուբով, Դ. Ի. Պիսարև և այլք։ Հայտնի է մի դեպք, երբ Տուրգենևը գնացքում հանդիպում է գավառացի մի երիտասարդ բժշկի, որը հիացնում է նրան իր խելքով և կտրուկ հայացքներով։ Հնարավոր է, որ հենց այդ երիտասարդն է հիմք հանդիսացել Բազարովի կերպարի համար։
Պատմական ժամանակաշրջան[խմբագրել | խմբագրել կոդը]
Գործողությունները տեղի են ունենում 1859 թվականի ամռանը, այսինքն՝ Ռուսաստանում Գյուղացիական ռեֆորմների (1861) նախօրյակին։