Ես լրտես եմ

Ես լրտես եմ I Spy
Երկիր	ԱՄՆ
Թվական	2002
Լեզու	անգլերեն, հունգարերեն
Ռեժիսոր	Բեթթի Թոմաս
Պրոդյուսեր	Մարիո Կասսար Էնդրյու Վայնա Ջեննո Տոպինգ Բեթի Թոմաս
Սցենարիստ(ներ)	Մարիանն Վիբեռլեյ Կորմակ Վիբեռլեյ Ջեյ Սչերիկ Դևիդ Ռոնն
Դերակատարներ	Էդի Մերֆի Օուեն Ուիլսոն Մալքհոլմ Մակդաուելլ
Օպերատոր	Օլիվեր Վուդ
Երաժշտություն	Ռիչարդ Գիբբս
Ընկերություն	Columbia Pictures
Տևողություն	97 րոպե
Բյուջե	70,000,000 $
Շահույթ	60,279,822 $
MPAA վարկանիշ
IMDb	ID 0297181
Թրեյլեր	տեսահոլովակ
description

Ես լրտես եմ (անգլ.՝ I Spy, ռուսերենում թագրմանվել է «Խաբել բոլորին» վերնագրով), 2002 թվականին կատակերգական ժանրի լրտեսական սյուժեով նկարահանված ամերիկյան ֆիլմ, գլխավոր դերում հանդես են գալիս կատակերգակ դերասաններ Էդի Մերֆին և Օուեն Ուիլսոնը:

Սյուժեն

Հատուկ գործակալ Ալեքս Սքոթը (Օուեն Ուիլսոն) հայտնվում է Ուզբեկստանում: Այստեղ նա պետք է հանդիպի ամերիկացի օդաչուի հետ, ով գողացել է ամերիկյան նորագույն գաղտնի անտեսանելի ինքնաթիռը: Օդաչուն արդեն ինքնաթիռը վաճառել է զենքի և թմրանյութերի վաճառքով զբաղվող Առնոլդ Գունդարսին (Մալքհոլմ Մաքդաուել): Սակայն օդաչուն զոհվում է է և չի հաջողվում նոր ինֆորմացիա գտնել ինքնաթիռի մասին:

Այդ ժամանակ բռնցքամարտի աշխարհի չեմպիոն Կելլի Ռոբինսոնը (Էդի Մերֆի) հաջողությամբ պաշտպանում է իր տիտղոսը Լաս Վեգասում, նոկաուտի ենթարկելով իր հակառակորդին ընդամենը մի քանի վայրկյանի ընթացքում: Մենամարտից հետո նրա հետ հեռախոսով կապնվում է ԱՄՆ-ի նախագահը և խնդրում ազգային անվտանգության շահերից ելնելով երկրին մատուցել ծառայություններ Բուդապեշտում կայանալիք հաջորդ մրցամարտի ժամանակ:

Պարզվում է որ Ալեքս Սքոթը դրանով փորձում է ծուղակը գցել Առնոլդ Գունդարսին, ով բռնցքամարտի մեծ սիրահար է, սակայն Գունդարսը պատկերացում չունի, որ Կելլին բացի բռնցքամարտից Բուդապեշտ է եկել նաև ինքնաթիռը գտնելու համար:

Դերերում

Դերասան	Դեր
Էդի Մերֆի	Կելլի Ռոբինսոն
Օուեն Ուիլսոն	Ալեքս Սքոթ
Մալքհոլմ Մակդաուելլ	Առնոլդ Գունդարս
Ֆեմկե Յանսեն	Ռեյչել Ռայթ
Գարի Քոլ	Կառլոս
Բիլլ Մոնդի	Մակ
Մայքլ Դոպուդ	Ջիմ

Մրցանակներ

2002 թվականին ֆիլմը ներկայացվել է «Ոսկե Ազնվամորի» մրցանակին (որպես վատագույն ֆիլմ) վատագույն դուետ և վատագույն ռիմեյք անվանակարգերում:

Փաստեր ֆիլմի մասին

• Ֆիլմը հանդիսանում է 1965 թվականին նկարահանված «Ես լրտես եմ» հեռուստատեսային սերիալի ռիմեյքը.
• Պրեմիերան կայացել է 2002 թվականի նոյմենբերի 23-ին.
• Ֆիլմի ռուսերեն անվանումն է «Խաբել բոլորին» (Обмануть всех).
• 2010 թվականին դերասան Էդդի Մերֆին ստացել է «Ոսկե Ազնվամորի» մրցանակ որպես վերջին 10 տարիների վատագույն դերասան, հաշվի առնելով նրա խաղացած դերերը նաև «Պլուտո Նեշի արկածները» (2002 թ.), «Շոուն սկսվում է» (2002 թ.) «Նորբիտ» (2007 թ.) և «Պատկերացրեք որ» (2009 թ.) ֆիլմերում.

Արտաքին հղումներ

• Ես լրտես եմ(անգլերեն) ֆիլմը Internet Movie Database կայքում:
• ֆիլմը allrovi.com կայքում (անգլերեն)
• ֆիլմը kinopoisk.ru կայքում (ռուս.)