Եռաչափ տպիչ

Վիքիպեդիայից՝ ազատ հանրագիտարանից
Եռաչափ տպիչ
Աշխատանքի ժամանակ (արագացված)

Եռաչափ տպիչ (անգլ.՝ 3D printer, 3D տպիչ), սարք, որը ստեղծում է ֆիզիկական օբյեկտ շերտ առ շերտ թվային եռաչափ մոդելի հիման վրա։

Տեխնոլոգիա[խմբագրել | խմբագրել կոդը]

Եռաչափ կամ 3D տպիչը կարող է տարբեր ձևերով և տարբեր նյութերի օգտագործմամբ ստեղծել /տպել, պատճենահանել/ մարմիններ, որոնցից յուրաքանչյուրի հիմքում ընկած է պինդ օբյեկտների շերտ առ շերտ ստեղծման մեթոդը։ Որոշ մոդելներ մեկ օբյեկտը պատճենահանելիս կարող են օգտագործել մի քանի տարբեր նյութ միաժամանակ։

Տեխնոլոգիաներ, որոնք օգտագործում են շերտերի մոդելավորման համար։

  1. Լազերային - ուլտրամանուշակագույն լազերը հերթականությամբ, փիքսել առ փիքսել լուսավորում է հեղուկ ֆոտոպոլիմերը կամ հակառակը ֆոտոշաբլոնի միջով, որը փոխվում է ամեն շերտի հետ։ Այդ ժամանակ հեղուկ պոլիմերը պնդանում է և դառնում պլաստիկ։
  2. Լազերային հալեցում - այդ ժամանակ լազերը հալեցնում է մետաղից կամ պլաստիկից փոշին և շերտ առ շերտ լցնում դետալի կաղապարի մեջ։
  3. Լամինացիա - դետալը կազմվում է մեծ քանակությամբ նյութերից, որոնք առանձին-առանձին դրվում են իրար վրա և սոսինձվում, որի ընթացքում լազերը կտրում է մեզ անհրաժեշտ դետալի շրջանը։
  1. Նյութերի ջերմաստիճանի նվազեցում սառեցումով - բաժանող գլխիկը դուրս է մղում տաքացրած թերմոպլաստիկը սառեցրած մակերեսի վրա։ Կաթիլները արագորեն սառում են և կպնում իրար ձևավորելով օբյեկտի շերտերը։
  2. Ֆոտոպոլիմերային պլաստիկի պոլիմերիզացում ուլտրամանուշակագույն լամպի ազդեցության տակ - այս ձևը նման է անցյալ ձևին, բայց պլաստիկը պնդանում է ուլտրամանուշակագույն լամպի ազդեցության տակ։
  3. Փոշաձև նյութի սոսնձում - նման է լազերային հալեցմանը, բայց նյութը սոսնձվում է հեղուկ մի այլ նյութով։ Այդ ժամանակ կարող է կատարվել դետալի գունավորում՝ օգտագործելով տարբեր գույնի նյութեր։
  4. Խիտ կերամիկական նյութերը նույնպես օգտագործվում են, որպես ինքնապնդացող նյութեր 3D տպագրության խոշոր ճարտարապետական մոդելների համար։
  5. Բիօպրինտերներ - 3D մոդելի տպագրումը կատարվում է առանձին բջիջներով։