Դոննա Ռիդ

Վիքիպեդիայից՝ ազատ հանրագիտարանից
Picto infobox film.png
Դոննա Ռիդ
Donna Belle Mullenger
Donna Reed (Studio).jpg
ստուդիական լուսանկար
Բնօրինակ անուն Donna Belle Mullenger
Հասակը 1,70 մ
Ծնվել է՝ 1921 թ., հունվարի 27 (1921-01-27)
Ծննդավայր Դենիսոն, Այովա, ԱՄՆ
Մահացել է հունվարի 14, 1986 (64 տարեկան)
Մահվան վայր Բևեռլի Հիլզ, Լոս Անջելես, Կալիֆորնիա, ԱՄՆ
Ազգություն ԱՄՆ-ի դրոշը ԱՄՆ
Մասնագիտություն դերասանուհի
Ակտիվ շրջան 1941-1985
Ընտրանի «Այս հրաշալի կյանքը», «Այսուհետև և դարեդար»
Ամուսին(ներ) Ուիլյամ Թեթլ (1943–1945)

Թոնի Օուեն (1945–1971, 4 երեխա)
Գրոուվեր Ասմուս (1974–86; մինչև իր մահը)

Պարգևներ և մրցանակներ 1 Օսկար, 1 Ոսկե Գլոբուս
IMDb ID 0001656
ԿինոՊոիսկ ID 205093

Դոննա Ռիդ (անգլ.՝ Donna Reed; իսկական անուն ազգանունը՝ անգլ.՝ Donna Belle Mullenger; հունվարի 27, 1921, Դենիսոն, Այովա, ԱՄՆ - հունվարի 14, 1986, Բևեռլի Հիլզ, Լոս Անջելես, Կալիֆորնիա, ԱՄՆ), ամերիկացի դերասանուհի, «Օսկարի» դափնեկիր, առավել նշանավոր ֆիլմերից են 1945 թ. «Դորիան Գրեյի դիմանկարը», 1946 թ. «Այս հրաշալի կյանքը» և 1953 թ. «Այսուհետև և դարեդար»։

Կենսագրություն[խմբագրել]

Դոննա Ռիդը ծնվել է 1921 թվականին Ուիլյամ Ռիչարդ Մուլենջերի և Հեզլ Ջեյնի ընտանիքում, ԱՄՆ-ի Այովա նահանգի Դենիսոն քաղաքի մոտ գտբվող ֆերմաներից մեկում[1][2]։ Նա ընտանիքի 5 երեխաներից ամենամեծն էր[3], նրանց ընտանիքը դաստիարակվում է մեթոդիստական ավանդույթներով[4]։ Ավարտել է Դենիսոնի միջնակարգ դպրոցը, 1938 թվականին տեղափոխվել է Լոս Անջելես, ապրելով իր ազգականուհի Միլդրեդի հետ։ Ընդունվում է Լոս Անջելեսի քաղաքային քոլեջ, ռադիոհաղորդումների վարողի դասընթացների[3]։

Ջեյմս Ստյուարտի հետ
«Այս հրաշալի կյանքը» ֆիլմում

Կինոկարիերան սկսվել է 1941 թվականին փոքր դերերով։ Հայտնի է դարձել ռեժիսոր Ֆրենկ Կապրայի 1946 թ. «Այս հրաշալի կյանքը» ֆիլմում Մերիի դերով, ուր նրա խաղընկերն էր Ջեյմս Ստյուարտը։ 1954 թ. «Այսուհետև և դարեդար» ֆիլմի համար ստացել է «Օսկար» մրցանակ Օսկար երկրորդ պլանի լավագույն դերասանուհու համար անվանակարգում։ 1958-1966 թթ. նկարահանվում է «Դոննա Ռիդի շոուն» սիտկոմում, որի համար 4 անգամ ներկայացվել է «Էմմի» մրցանակի, իսկ 1963 թ. ստացել է Ոսկե Գլոբուս։ Կյանքի վերջին տարիներին քիչ է նկարահանվել։ Ընդհանուր թվով խաղացել է 40-ից ավելի ֆիլմերում և սերիալներում։

Դոննա Ռիդը 2 անգամ ամուսնացած է եղել: Առաջին ամուսինը՝ Թոնի Օուեն (1907-1984)[5], նրանք ունեցել են 5 երեխա։ 1972 թ. նրանք բաժանվել են, և չորս տարի անց Ռիդը ամուսնացել է ամերիկյան բանակի պաշտոնաթող գնդապետ Գրովեր Վ. Ասմուսի հետ (1926-2003)[6]։

Դոննա Ռիդը մահացել է 1986 թվականի հունվարի 14-ին Բևերռլի Հիլզում, 64 տարեկան հասակում։ Հուղարկավորվել է Լոս Անջելեսի Վեստվուդ Վիլեյջ գերեզմանատանը։

Ներկայումս դերասանուհու ծննդավայր Դենիսոնում անցկացվում է նրա անվան ամենամյա փառատոն։

Ծանոթագրություններ[խմբագրել]

Commons-logo.svg