Դատոլիթ

Դատոլիթի տեսակ

Դատոլիթ, միներալ սիլիկատների խմբից․ $Ca_{2}B_{2}[SiO_{4}]\cdot [OH]_{2}$։ Պարունակում է 21,8% $B_{2}O_{3}$։ Բյուրեղագիտական համակարգը մոնոկլինային է։ Գույնը՝ սպիտակ, բաց կանաչ, բաց դեղին և այլն։ Կարծրությունը՝ 5-5,5, խտությունը՝ 3000 կգ/մ³։ Բյուրեղները ավելի հաճախ հատիկավոր ագրեգատների ձևով հանդիպում են հանքային երակներում՝ սուլֆիդների և արտավիժված ապարների դատարկություններում՝ կալցիտի, պրենիտի, ցեոլիտների հետ։ Բորի ստացման կարևոր հումքն է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 310)։