Դավիթ Պողոսյան

Վիքիպեդիայում կան հոդվածներ Պողոսյան ազգանունով այլ մարդկանց մասին։

Դավիթ Պողոսյան
Ծնվել է	սեպտեմբերի 9, 1911(1911-09-09) Թիֆլիս, Ռուսական կայսրություն
Երկիր	Ռուսական կայսրություն,  ԽՍՀՄ և  Հայաստան
Մահացել է	սեպտեմբերի 8, 2004(2004-09-08) (92 տարեկան) Երևան, Հայաստան
Մասնագիտություն	Օպերային երգիչ բաս դերասան
Երգչաձայն	բաս
Ամուսին	Քնարիկ Վարդանյան
Պարգևներ

Դավիթ Միքայելի Պողոսյան (սեպտեմբերի 9, 1911(1911-09-09), Թիֆլիս, Ռուսական կայսրություն - սեպտեմբերի 8, 2004(2004-09-08), Երևան, Հայաստան), հայ օպերային երգիչ, բաս, դերասան, ՀԽՍՀ ժողովրդական արտիստ (1947)։

Կենսագրություն

1937 թվականին ավարտել է Մոսկվայի Կուլտուրայի տան վոկալ-դրամատիկական ստուդիան։ 1937-1988 թվականներին եղել է Երևանի Սպենդիարյանի անվան օպերայի և բալետի ազգային ակադեմիական թատրոնի մեներգիչ։ 1961 թվականից դասավանդել է Երևանի պետական կոնսերվատորիայում, պրոֆեսոր՝ 1992 թվականից։ 1972 թվականին էքստեռն ավարտել է Երևանի պետական կոնսերվատորիան։ Կատարել է Բեթովենի «9-րդ սիմֆոնիայի», Մոցարտի «Ռեքվիեմի» բասի երգամասերը, նաև հայ, ռուս, արևմտաեվրոպական կոմպոզիտորների երգեր և ռոմանսներ։ Հանդես է եկել նաև որպես էստրադային երգիչ։

Դերերգեր

• Ռուբեն՝ Ալեքսանդր Սպենդիարյանի «Ալմաստ»
• Մոսի՝ Արմեն Տիգրանյանի «Անուշ»
• Ավո՝ Բաբաևայի «Արծվի ամրոց»
• Բարխուդար՝ Շիրվանզադեի «Նամուս»
• Իսմայիլ՝ Մուրադելիի «Մեծ բարեկամություն»
• Սաշկա՝ «Խաղաղ Դոն»
• «Գրեմին»` Չայկովսկու «Եվգենի Օնեգին»
• Անդրեյ Գավրիլովիչ՝ Նապրավնիկի «Դուբրովսկի»
• Մեֆիստոֆել՝ «Ֆաուստ»
• Դոն Բազիլիո՝ Ռոսսինիի «Սևիլյան սափրիչ»

Դերեր ֆիլմերում

• «Սայաթ-Նովա», 1960 թվական
• «Դավիթ Բեկ»
• «Արարատյան դաշտի աղջիկը»
• «Կարինե» ֆիլմում կատարել է Չուխաճյանի «Լեբլեբիջի» երգը, 1967 թվական
• «Սիմոն բիձա» Հարո Ստեփանյանի «Լուսաբացին»

Արտաքին հղումներ

• Դավիթ Պողոսյանի կատարումներից «Հեյ, հոգի ջան»