Դավիթ Մելքոնյան

Վիքիպեդիայում կան հոդվածներ Մելքոնյան ազգանունով այլ մարդկանց մասին։

Դավիթ Մելքոնյան
Ծնվել է	հոկտեմբերի 19, 1940(1940-10-19) (83 տարեկան)
Ծննդավայր	Երևան
Քաղաքացիություն	Հայաստան
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան (1965)
Մասնագիտություն	անեսթեզիոլոգ-ռեանիմատոլոգ
Գիտական աստիճան	բժշկական գիտությունների դոկտոր

Դավիթ Լևոնի Մելքոնյան (հոկտեմբերի 19, 1940(1940-10-19), Երևան, Հայկական ԽՍՀ, ԽՍՀՄ), անեսթեզիոլոգ-ռեանիմատոլոգ։ Բժշկական գիտությունների դոկտոր (1997), պրոֆեսոր՝ (1997)։

Պատմաբան, մշակութաբան Էդուարդ և ՀԽՍՀ վաստակավոր երկրաբան Ռաֆայել Մելքոնյանների եղբայրն է։

Կենսագրություն

1965 թվականին ավարտել է Երևանի պետական բժշկական համալսարանը։ 1976 թվականից աշխատում է Առողջապահության ազգային ինստիտուտում, 1991 թվականից՝ անեսթեզիոլոգիայի և ռեանիմատոլոգիայի ամբիոնի վարիչ, 1990-1992 թվականներին, միաժամանակ՝ վիրաբուժական ֆակուլտետի դեկան։ 1982 թվականից անեսթեզիոլոգների եվրոպական, 1990 թվականից՝ համաշխարհային ընկերակցությունների անդամ, 1994 թվականից՝ Հայաստանի անեսթեզիոլոգների և ռեանիմատոլոգների ընկերակցության փոխնախագահ։

Գործունեություն

Աշխատանքները վերաբերում են վիրաբուժական հիվանդների հոգեհուզական վիճակի շտկման, կետամինային անզգայացման և վերականգնման փուլերում իմացական շարժընթացների փոփոխման, աղետների բժշկության հարցերին։

Երկեր

• Интенсивная терапия и анестезия при черепного-мозговой травме, Е., 1997 (համահեղինակ).