Դանիել Բարենբոյմ

Վիքիպեդիայից՝ ազատ հանրագիտարանից
Picto infobox music.png
Դանիել Բարենբոյմ
Դանիել Բարենբոյմը Վիեննայում 2008թ.
Հիմնական տվյալներ
Ծնվել է նոյեմբերի 15, 1942 (72 տարեկան)
ԲուենոսԱյրես
Երկիր Flag of Argentina.svg Արգենտինա
Flag of Israel.svg Իսրայել
Flag of Spain.svg Իսպանիա
Պաղեստինի Պետություն
Ժանրեր դասական երաժշտություն
Մասնագիտություն դիրիժոր,դաշնակահար
Գործիքներ Դաշնամուր
Կայք www.danielbarenboim.com

Դանիել Բարենբոյմ (ծնվ. 1942 թ-ի նոյեմբերի 15-ին, Բուենոս Այրեսում) արգենտինացի և իսրայելցի դիրիժոր, դաշնակահար։ Սերում է Ռուսաստանից արտագաղթած հրեական ընտանիքում։ Բնակվում է Բեռլինում։

Երաժշտությամբ սկսել է զբաղվել հինգ տարեկանից։ Երաժշտության նրա առաջին և միակ ուսուցիչներն էին ծնողները, որոնք երկուսն էլ դաշնակահարներ էին։ Հոր՝ Էնրիկե Բարենբոյմի (1913-1998) մի շարք սաներ հետագայում դարձել են հայտնի երաժիշտներ։ Առաջին անգամ համերգով հանդես է եկել ծննդավայրում՝ յոթ տարեկան հասակում։ 1952թ-ին ընտանիքի հետ տեղափոխվել է Իսրայել։

1954թ-ին մեկնել է Զալցբուրգ, որտեղ դիրիժորական արվեստ է սովորել Իգոր Մարկևիչի մոտ։ Այդուհանդերձ սկսվել է նրա համերգային գործունեությունը։

1975-1989թթ-ին ղեկավարել է Փարիզի նվագախումբը։

1991-2006թթ-ին ղեկավարել Չիկագոյի սիմֆոնիկ նվագախումբը։

1992թ-ից նաև վարում է Բեռլինի պետական օպերայի երաժշտական տնօրենի պաշտոնը։

2006թ-ից Միլանի «Լա Սկալա» հռչակավոր օպերային թատրոնում աշխատել է որպես հրավիրված դիրիժոր, իսկ 2011թ-ից՝ գլխավոր դիրիժոր և երաժշտական ղեկավար։

Արգենտինայի և Իսրայելի քաղաքացի է. նաև ունի Պաղեստինի պետության և Իսպանիայի պատվո քաղաքացիություն։

Բարենբոյմը պաղեստինցիների իրավունքների սկզբունքային պաշտպան է։

1967-1973թթ-ին եղել է ամուսնացած անգլիացի թավջութակահարուհի Ժաքլին դյու Պրեի հետ, որի հետ ամուսնալուծության պատճառը վերջինիս հիվանդությունն էր։ 1980-ականներից ամուսնացած է դաշնակահարուհի Ելենա Բաշկիրովայի հետ, ում հետ ունեն երկու երեխա։

«Երևանյան Հեռանկարներ» 15-րդ միջազգային երաժշտական փառատոնի շրջանակներում 2014թ-ի մայիսի 13-ին Դանիել Բարենբոյմը համերգով հանդես էեկելԵրևանում։