Գրքաշրջանառություն

Վիքիպեդիայից՝ ազատ հանրագիտարանից
Կանգառում թողած գիրք

Գրքաշրջանառություն կամ բուքքրոսինգ (անգլ.՝ bookcrossing), գրական-հասարակական նախաձեռնություն, որի մասնակիցները իրենց ընթերցած գիրքը թողնում են այն «պատահական» վայրերում (այգի, սրճարան, գնացք, մետրոյի կայարան), որպեսզի մեկ ուրիշը վերցնի այն և կարդա։ Կարդալուց հետո այդ մարդը նախորդի նման պետք է գիրքը թողնի հասարակական վայրում։ Գրքերի «շրջանառությանը» շատերը հետևում են հատուկ ինտերնետային կայքերի միջոցով։

Պատմություն

Համացանցային տեհնոլոգիաների մասնագետ Ռոն Հորնբեկերը առաջարկեց գրքաշրջանառության, կամ բուքքրոսինգի, գաղափարը դեռևս 2001թ։ Թողնելով 20 գիրք հյուրանոցի նախասրահում, նա սկիզբ դրեց ֆլեշմոբի այս յուրահատուկ տեսակին։ Կես տարի անց Հորնբեքերի կայքում հայտնվեցին 300 անդամներ, որոնք «բաց էին թողնում» գրքեր և հրավիրում նոր անդամներ։

Հայաստանում գրքաշրջանառությունը հիմնադրվեց 2011թ հունիսի 1-ից ուսանողներ Արման Ղազարյանի և Ինեսսա Սաղեյանի կողմից։ BookCrossingArmenia Ֆեյսբուքյան էջում գրանցված են 1000-ից ավելի անդամ, և թիվը շարունակում է աճել։ Երևանում գրքաշրջանառության ամենահայնի վայրերն են Հյուսիսային պողոտան և Artbridge սրճարանը։

Արտաքին հղումներ[խմբագրել]