Գրիգոր Սահյան

Գրիգոր Սահյան արմտ. հայ.՝ Գրիգոր Սայեան
Ծնվել է	մոտ 1870
Ծննդավայր	Կոստանդնուպոլիս
Մահացել է	հունվարի 27, 1921(1921-01-27)
Մահվան վայր	Ռուսե, Բուլղարիա
Մահվան պատճառ	Սեպսիս
Կրթություն	Փարիզի համալսարան (1894)
Մասնագիտություն	բժիշկ և հասարակական գործիչ

Գրիգոր Սահյան (Սայեան) (մոտ 1870, Կոստանդնուպոլիս - հունվարի 27, 1921(1921-01-27), Ռուսե, Բուլղարիա), հայ բժիշկ, ազգային և հասարակական գործիչ։

Կենսագրություն

Ծնվել է մոտավորապես 1870 թվականին Կոստանդնուպոլսում։ 1894 թ. ավարտել է Փարիզի համալսարանի բժշկական ֆակուլտետը։ 1896-1900 թվականներին ապրել և բժիշկ է աշխատել Բուլղարիայում։

1900 թվականին վերադարձել է Կ. Պոլիս։ Կ. Պոլսում հետապնդումների ենթարկվելու պատճառով փախել է Օդեսա, որտեղից էլ՝ Կովկաս, ապա՝ Մոսկվա։ 1902 թվականին տեղափոխվել և հաստատվել է Բուլղարիայի Ռուսջուք քաղաքում։ Զբաղվել է դեպի երկիր զենք տեղափոխելու աշխատանքով։ 1906 թվականին եղել է Կ. Պոլսում «Յըլ­դը­զի Պոմ­պա­յի» մահափորձի կազմակերպիչներից մեկը։ 1919 թվականին մասնակցել է Փարիզի Ազգային համագումարին։ Եղել է գերազանցապես գաղափարապաշտ ու անձնվեր գործիչ։ Ունեցել է նաև ազգային-հասարակական ակտիվ գործունեություն։ 1919 թվականին եղել է Փարիզի Ազգային համագումարին մասնակցած բուլղարահայ գաղութի երկու պատգամավորներից մեկը։

Մահացել է 1921 թվականին հունվարի 27-ին, Ռուսջուք քաղաքում, արյան թունավորումից։

Գրականություն

• Թէոդիկ, Անդարձ մեկնողք, Կ. Պոլիս, 1922։
• Գէորգեան Կարօ, Ամէնուն Տարեգիրքը, Պէյրութ, 1962։

Աղբյուր

Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։