Վիքիպեդիայից՝ ազատ հանրագիտարանից
Գրիգոր Գևորգի Մելիք-Ավագյան (հունիսի 21 , 1920 (1920-06-21 ) [1] [2] Թիֆլիս Վրաստանի Դեմոկրատական Հանրապետություն հոկտեմբերի 23 , 1994 (1994-10-23 ) Մոսկվա Ռուսաստան ՀԽՍՀ ժողովրդական արտիստ (1974 ), ՀԽՍՀ արվեստի վաստակավոր գործիչ (1966 )։ Հայրենական պատերազմի մասնակից։
Գրիգոր Մելիք-Ավագյանը ծնվել է 1920 թվականին Թիֆլիսում։ Մասնակցել է Հայրենական մեծ պատերազմին [4] 1939 թվականին զինակոչվել է Կարմիր բանակ , նույն թվականի սեպտեմբերի 19 -ից մասնակցել է Արևմտյան Ուկրաինայի ազատագրմանը Պերեմինա քաղաքի մոտ, միացել է Դոնի կազակների գվարդիական 56-րդ կորպուսին։ 1945 թվականի Մայիսի 9 -ը դիմավորել է ավստրո-շվեյցարական սահմանի վրա, Մինց քաղաքում։ Գրիգորը պարգևատրվել է Կարմիր աստղի, Հայրենական մեծ պատերազմի 2-րդ աստիճանի շքանշաններով, մի շարք մարտական մեդալներով։ 1946 թվականին զորացրվելուց հետո ընդունվել և 1951 թվականին ավարտել է Մոսկվայի համամիութենական կինոինստիտուտը (ՎԳԻԿ) (Իգոր Սավչենկոյի արվեստանոցը)։ 1947 -1951 թվականներին աշխատել է Կիևի կինոստուդիայում որպես ռեժիսորի օգնական։ 1951 թվականից Հայֆիլմի ռեժիսորն է։ Նկարահանել է ավելի քան 20 փաստագրական ֆիլմեր։ Մելիք-Ավագյանի ֆիլմերից են՝ «Սիրտը երգում է» (1956 ), «Մոր սիրտը» (1958 ) «Երգում է Գոհար Գասպարյանը» (1963 ), «Ինչու է աղմկում գետը» (1961 ), «Արևածագից առաջ» (1962 ), «Անցյալի արձագանքները» (1971 ), «Կամոյի վերջին սխրանքը» (1974 ) թվականին, Ստեփան Կևորկովի համագործակցությամբ), «Մեռիր ձիու վրա» (1980 ) և այլն։ Նկարահանել է նաև մի շարք կարճանետրաժ և վավերագրական ֆիլմեր, ինչպես «Մանրուք» (1952 ), «Բարև Արտյոմ» (1963 ), «Քայլերգ» (1965 ), «Մի ղողանջիր զանգ, մի ղողանջիր» (1968 ), «Գարուն ա , ձուն ա արել» (1969 ) «Պրելյուդ» (1970 ) և «Յոթ երգ Հայաստանի մասին» կինոնկարները։ 1977 թվականին Գրիգոր Մելիք-Ավագյանը էկրանավորեց «Բաղդասարը բաժանվում է կնոջից» հայկական առաջին ֆիլմ-մյուզիքլը (ըստ Հակոբ Պարոնյանի «Պաղտասար աղբար» կատակերգության[5] [6]
↑ 1,0 1,1 https://www.arm-cinema.am/en/directors/101.html ↑ 2,0 2,1 https://www.arm-cinema.am/en/scriptwriters/101.html ↑ Հայկական սովետական հանրագիտարան (հայ.) — Երևան : 1981. — հատոր 7. — էջ 386. ↑ Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ: ↑ «Գրիգոր Մելիք-Ավագյանի մասին Էյ Վի Փրոդաքշն կայքում» . Արխիվացված է օրիգինալից 2022 թ․ հունվարի 25-ին. Վերցված է 2020 թ․ սեպտեմբերի 4-ին .↑ Կինոռեժիսորներ, դերասաններ։ Հակոբ Թահմիզյան, «Սովետական գրող» հրատարակչություն, Երևան-1984։ Գիրք 2, Էջ 254։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 386 )։
ԽՍՀՄ և 
Ռուսաստան
