Գրիգորի Գասպարյան
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
 | |
|---|---|
| Ծնվել է | դեկտեմբերի 20, 1952[1] (71 տարեկան) |
| Քաղաքացիություն |  Արցախ |
| Մասնագիտություն | բժիշկ |
Գրիգորի Գասպարյան (1952, դեկտեմբերի 20, Ռուսաստանի Դաշնության Ալտայի երկրամասի Բիյսկիի շրջան), հայ բժիշկ, Արցախի ԱԺ պատգամավոր։
Կենսագրություն[խմբագրել | խմբագրել կոդը]
1961 թ. ընդունվել է Շուշիի թիվ 2 միջնակարգ ռուսական դպրոցը, որն ավարտել է 1971 թ.։ 1971 թ.–ից մինչև 1977 թ. ուսանել է Սարատովի պետական բժշկական ինստիտուտի բուժական ֆակուլտետում։
Ինստիտուտը ավարտելուց հետո՝ որպես վիրաբույժ, աշխատանքի է ուղեգրվել Ուլյանովսկի մարզի Ինզա քաղաքը։ 1981 թ. ընդունվել և 1983 թ. ավարտել է Սամարայի բժշկական ինստիտուտի կլինիկական օրդինատուրան։
1983 թ. աշխատել է Մարտունու կենտրոնական շրջանային հիվանդանոցում, որպես վիրաբուժական բաժանմունքի վարիչ։
Արցախի ազգային-ազատագրական պայքարի սկզբից ակտիվ մասնակցություն է ցուցաբերել զինծառայող հիվանդների և վիրավորների բուժման, ինչպես նաև քաղաքացիական ազգաբնակչության սպասարկման գործում։ Իր ղեկավարությանբ ակտիվ զինվորական գործողությունների ժամանակաշրջանում Մարտունու շրջանում ստեղծվել է զինվորական հոսպիտալ, որում բուժում են ստացել ինքնապաշտպանության ուժերի ավելի քան 1500 վիրավոր մարտիկներ և քաղաքացիական ազգաբնակչությունը։
1997 թ.-ից միառժամանակ ղեկավարել է Մարտունու զինվորական հոսպիտալը և Մարտունու կենտրոնական շրջանային հիվանդանոցը։
2004 թ.-ից աշխատել է «Մարտունու շրջանային բուժմիավորում» ՓԲԸ գործադիր տնօրեն։
Մարտունու շրջանում աշխատանքային ավելի քան 20 տարիների ընթացքում կատարել է 4000–ից ավելի վիրահատություններ։[փա՞ստ] 1993 թ. պարգևատրվել է 2-րդ աստիճանի «Մարտական խաչ» շքանշանով։ Պարգևատրվել է «Վաչագան Բարեպաշտ» և ՀՀ «Անբասիր ծառայության համար» շքանշաններով։
1993 և 2004 թթ. մայիսին ընտրվել է ԼՂՀ ԱԺ պատգամավոր։ 2010 թ․ եղել է թեկնածու Ազատ հայրենիք կուսակցությունից։
«Ազատ հայրենիք» կուսակցության անդամ է։
Ամուսնացած է, ունի 5 երեխա։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- News.am Լեռնային Ղարաբաղում մեկնարկել են խորհրդարանական ընտրությունները, մայիս 23, 2010
- eMedia.am Արցախում նոր հիվանդանոց բացվեց(չաշխատող հղում) 23 մայիսի, 2013
- ԼՂՀ կենտրոնական ընտրական հանձնաժողով․ 19 հունիսի 2005 թ. Արխիվացված 2016-03-05 Wayback Machine