Գուրգեն Յանիկյան
Գուրգեն Յանիկյան (անգլերեն՝ Gourgen Yanikian, Դեկտեմբերի 24, 1895, Էրզրում, Արևմտյան Հայաստան - Մարտի 27, 1984, ԱՄՆ), հայ գրող և ճարտարագետ, հայկական նորագույն զինյալ ազատագրական պայքարի հերոս։
Բովանդակություն |
Կենսագրություն [խմբագրել]
Մեծ Եղեռնի ականատես։ Սովորել է Մոսկվայի համալսարանում, հետագայում հաստատվել ԱՄՆ-ում, որտեղ ճանաչման է հասել որպես անգլալեզու գրող, արժանացել «Մարկ Տվեն» մրցանակին։
1972 թվականին ԱՄՆ-ից այցելել է Հայաստանի Մարտիրոս Սարյանի անվան տուն-թագարանը և նվիրաբերել է Սարյանի «Արևելյան սենյակ» նկարը (ստեղծված 1918 թ., 39x59 սմ, թուղթ, ջրաներկ, գուաշ), որը երկար տարիներ համարվում էր անհայտ կորած։
77 տարեկան հասակում սպանել է ԱՄՆ-ում Թուրքիայի հյուպատոսին և փոխ-հյուպատոսին, արդարություն պահանջել Հայոց Ցեղասպանության համար։[1] Դատարանում հանդես է եկել թուրքական ժխտողականության դեմ, պաշտպանել Արևմտյան Հայաստանի ազատագրության գաղափարը։
Դատապարտվել է ցմահ բանտարկության։ 1981 թվականին, 8 տարվա բանտարկությունից հետո, Յանիկյանը տեղափոխվել է այցելուների համար փակ հիվանդանոց, որտեղ և մահացել է երկարատև հիվանդությունից հետո 1984 թվականի մարտի 27-ին։
Հայաստանի ազատագրության հայ գաղտնի բանակի հոգևոր հիմնադիրներից է։ «Ես գիտեի, որ անհատս մենակ մնալու չէի»,- այդ առիթով ասել է ծերունի Յանիկյանը։
Գրքերը [խմբագրել]
Անգլերեն [խմբագրել]
- The Triumph of Judas Iscariot, Los Angeles: Research Publ. Co., 1950, 254 p.
- Harem Cross: A Novel of the Near-East, New York: Exposition, 1953, 223 p.
- The Resurrected Christ: A Novel, New York: Exposition, 1955, 141 p.
- The Voice of an American, 1960, Society for the Science of Living; 147 p., ASIN: B0007FZ3L4
- Mirror in the Darkness, 1966, with Helen Rettig, New York: Exposition, 1966, 197 p.
Հայերեն [խմբագրել]
- «Նպատակ և ճշմարտություն» (հուշեր բանտից), Երևան, Տիգրան Մեծի հր., 1999
Արտաքին հղումներ [խմբագրել]
Աղբյուրներ [խմբագրել]
 |
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
