Գուստավ Ռոբերտ Կիրխհոֆ

Վիքիպեդիայից՝ ազատ հանրագիտարանից

Գուստավ Ռոբերտ Կիրխհոֆ (Kirchhoff) (12.3.1824, Քյոնիգսբերգ — 17.10.1887, Բեռլին), գերմանացի ֆիզիկոս, Բեռլինի ԳԱ անդամ (1874), Պետերբուրգի ԳԱ թղթկից անդամ (1862)։ Ավարտել է Քյոնիգսբերգի համաւսարանը (1846Բրեսլաուի (1850) և Հայդելբերգի (1854) համալսարանների պրոֆեսոր։

1875-ից գլխավորել է Բեռլինի համալսարանի մաթեմատիկայի ֆիզիկայի ամբիոնը։ Աշխատանքները վերաբերում են օպտիկային, էլեկտրադինամիկային, մեխանիկային։ 1847 թ.-ին լուծել է ճյուղավորված էլեկտրական շղթաներում հոսանքների բաշխման խնդիրը։ Կիրխհոֆը և Ռ. Վ. Րունզենը հիմք են դրել սպեկտրային վերլուծությանը (1859), որի միջոցով հայտնաբերել են ցեզիումը (1860) և ռուբիդիումը (18611858 թ.-ին տվել է քիմիական ռեակցիայի ջերմային էֆեկտի մեծության ջերմաստիճանից կախման հավասարում (Կիրխհոֆի հավասարում)։ 1859 թ.-ին Կիրիխհոֆը ձևակերպել է ջերմային ճառագայթման հիմնական օրենքներից մեկը և ֆիզիկա ներմուծել բացարձակ սև մարմին հասկացությունը։ 1860 թ.-ին ճշգրիտ բացատրել է Արեգակի սպեկտրում մութ շերտերի (ֆրաունհոֆերյան գծեր) առաջացման պատճառը և ենթադրություններ արել Արեգակի մթնոլորտի քիմիական բաղադրության մասին։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png