Գնեուս Նեվիուս

Վիքիպեդիայից՝ ազատ հանրագիտարանից

Գնեուս Նեվիուս (լատիներեն՝ Gnaeus Naevius, մ.թ.ա 270 – 201 թթ.), հռոմեական էպիկական պոետ, դրամատուրգ, հռոմեական գրականության ականավոր ներկայացուցիչ։ Մասնակցել է Առաջին Պունիկյան պատերազմին։ Դրա մասին էլ գրել է իր առաջին՝ «Պունիկյան պատերազմ» (Bellum Punicum) էպիկական պոեմ, որը մեծ ազդեցություն է ունեցել հռոմեական գրականության վրա։ Նեվիուսը գրել է նաև 37 կատակերգություն («Ագիտատորիա», «Տարենտուհի» և այլն), հունական դիցաբանության վրա հիմնված 5-6 ողբերգություն («Իֆիգենիա», «Ալեքսանդր», «Այաքս», «Հեկուբա», «Մեդեա վտարանդի») և առնվազն 2 ազգային ողբերգություն-պրետեքստա («Կլաստիդիում», «Հռեմուսի և Հռոմուլոսի սնուցումը»)։

Նեվիուսի ստեղծագործական ժառանգությունից մեզ են հասել միայն չնչին պատառիկներ։